తానా అధ్వర్యంలో న్యూయార్క్ టైమ్ స్క్వేర్‌లో బతుకమ్మ
ఉత్తర అమెరికా తెలుగు అసోసియేషన్ (తానా) అధ్వర్యంలో ఈనెల 16 (శనివారం) న్యూయార్క్ నగరంలోని టైమ్ స్క్వేర్‌ వద్ద బంగారు బతుకమ్మ ఉత్సవాలు జరుగనున్నాయి. స్థానిక కాలమానప్రకారం మధ్యాహ్నం 3.30 గంటల నుండి ఈ ఉత్సవాలు ప్రారంభం అవుతాయి. ప్రపంచ ప్రసిద్ధి చెందిన టైమ్ స్క్వేర్‌లో మొట్టమొదటిసారిగా బతుకమ్మ ఉత్సవాలు నిర్వహించబోతున్నామని తానా ప్రతినిధులు తెలిపారు. బంగారు బతుకమ్మ ఉత్సవాలలో బతుకమ్మ ఆటపాటలు, గర్భా డాన్స్, బతుకమ్మ పోటీలు, నృత్య ప్రదర్శనలు, లక్కీడ్రాలు వగైరా ఉంటాయి.
ఈ ఉత్సవాలలో పాల్గొనదలచినవారు ముందుగా https://bit.ly/TANABATHUKAMMARSVP వెబ్‌సైట్‌లో తమ పేరు, వివరాలను నమోదు చేసుకోవలసి ఉంటుంది. బతుకమ్మతో వచ్చినవారికి ప్రత్యేక బహుమతులు ఉంటాయి. లాంగ్ ఐలాండ్, ఎడిసన్ (న్యూజెర్సీ)ల నుంచి వచ్చేవారి కోసం ఉచిత రవాణా సదుపాయం కల్పిస్తున్నామని నిర్వాహకులు తెలిపారు.
ఈ బంగారు బతుకమ్మ ఉత్సవాలకు సంబందించి మరిన్ని వివరాల కోసం కింద పేర్కొన్న నెంబర్లలో నిర్వాహకులను సంప్రదించవచ్చు.
న్యూయార్క్: 931-349-2109; 516—270-8918
న్యూజెర్సీ : 732-822-2493; 848-248-1579; 860-805-5406.
