కాంగ్రెస్‌ అధిష్టానంపై బీజేపి అద్భుతమైన సెటైర్
కాంగ్రెస్‌, బీజేపిలు బద్ద శత్రువులనే విషయం అందరికీ తెలిసిందే. కనుక బీజేపి నేతలు సోనియా, రాహుల్ గాంధీలపై విమర్శలు గుప్పిస్తుంటే, రాహుల్ గాంధీ ప్రధాని మోడీపై విమర్శలు వ్యంగ్యాస్త్రాలు గుప్పిస్తుంటారు. కనుక రాష్ట్ర స్థాయిలో కూడా ఆ పార్టీలు అదేవిదంగా పరస్పరం విమర్శించుకుంటుంటాయి. కాంగ్రెస్‌ అధిష్టానంపై ఏపీ బీజేపి ఓ అద్భుతమైన వ్యంగ్యసత్రం సందించింది.
రోబో సినిమాలో రజనీకాంత్ తనను పోలి ఉండే చిట్టీ అనే రోబోని తయారుచేసినట్లుగా కాంగ్రెస్‌ అధిష్టానం కూడా పార్టీలో నాయకులను తయారుచేసుకోకుండా తమ కనుసన్నలలో పనిచేసే రోబోల వంటి నేతలను తయారు చేస్తోందంటూ ‘రోబో’ సినిమాలో ఓ సన్నివేశం, పార్లమెంటులో కాంగ్రెస్‌ జాతీయ అధ్యక్షుడు మల్లిఖార్జున ఖర్గే మాట్లాడిన మాటల వీడియోలని ఎక్స్‌ సోషల్ మీడియాలో పోస్ట్ చేశారు. దాని గురించి వివరించడం కంటే చూస్తేనే బాగుంటుంది.
