2007లోనే తెలంగాణ తల్లి విగ్రహం.. చూశారా?
ప్రస్తుతం రాష్ట్రంలో తెలంగాణ తల్లి విగ్రహంపై వివాదాలు నడుస్తున్నాయి. అయితే తెలంగాణ రాష్ట్రం ఏర్పడక మునుపే తల్లి తెలంగాణ పార్టీ అధ్యక్షురాలు విజయశాంతి తెలంగాణ ప్రజలకు తెలంగాణ తల్లి విగ్రహం ఉండాలనుకున్నారు. 2014 జూన్2 న తెలంగాణ ఏర్పడగా, ఆమె 2007, జనవరి 25వ తేదీన తెలంగాణ తల్లి విగ్రహం ఆవిష్కరించారు. ఇప్పటి యాదాద్రి భువనగిరి జిల్లాలోని రాజపేట మండలంలో బేగంపేటలో ఆమె మొట్ట మొదటి తెలంగాణ తల్లి విగ్రహం అవిష్కరించారు.
ప్రస్తుతం కాంగ్రెస్, బిఆర్ఎస్ పార్టీల మద్య ఈ అంశంపై వాదోపవాదాలు జరుగుతుండటంతో నాడు విజయశాంతితో కలిసి పనిచేసిన కార్యకర్తలు ఆ విగ్రహం ఫోటోని సోషల్ మీడియాలో పోస్ట్ చేశారు. దానిపై విజయశాంతి స్పందిస్తూ, ఆ ఫోటో షేర్ చేసిన తెలంగాణ ఉద్యమకారులకు ధన్యవాదాలు తెలిపారు.
నాడు రూపొందించిన తెలంగాణ తల్లి విగ్రహం కూడా ఇప్పుడు కాంగ్రెస్ ప్రభుత్వం రూపొందించిన విగ్రహంలాగే ఉండటం విశేషం.
