కిరణ్ అబ్బవరం ‘రియాలిటీ’.. డిసెంబర్‌ 25న చూడొచ్చు
October 06, 2026
కిరణ్ అబ్బవరం మంచి నటుడుగా నిరూపించుకున్నారు. ఇప్పుడు మంచి సినీ రచయితగా, దర్శకుడుగా నిరూపించుకోబోతున్నారు తాను హీరోగా నటిస్తున్న ‘రియాలిటీ’ సినిమాతో.
నేడు విడుదల చేసిన ఫస్ట్ గ్లిమ్స్‌లో ఓ చిన్న హోటల్ నడిపిస్తున్నట్లు చూపారు. ఏ అప్పు లేనిరోజే జీవితంలో చాలా సంతోషకరమైన రోజని హీరో చెప్పిన డైలాగ్ మిడిల్ క్లాస్ ఫ్యామిలీలో ఓ యువకుడి కథే ఈ సినిమా అని చెప్పేశారు.
కిరణ్ అబ్బవరం, దేవికా భట్‌, శరత్‌ కుమార్‌, సాయికుమార్‌, రమేష్‌ ఇందిర, అన్నపూర్ణమ్మ తదితరులు ఈ సినిమాలో కీలక పాత్రలు చేస్తున్నారు.
జాయ్‌ ఫిల్మ్స్‌ ఎల్‌ఎల్‌పీ బ్యానర్‌పై సుధాకర్‌ చాగంటి నిర్మిస్తున్న ఈ సినిమాకు కథ, దర్శకత్వం: కిరణ్ అబ్బవరం, సంగీతం: భీమ్స్‌ సిసిరోలియో, కెమెరా: విశ్వాస్‌ డేనియల్‌, ఆర్ట్‌: సుధీర్‌ మాచర్ల, ఎడిటింగ్‌: సంతోష్‌ నాయుడు చేస్తున్నారు.
ఈ సినిమా క్రిస్మస్‌ సందర్భంగా డిసెంబర్‌ 25న థియేటర్లలో విడుదల కానుంది.
