పళ్ళ బురుసు కొత్త సోకు లిరికల్
July 25, 2026
ఉదయ్ చౌహాన్ దర్శకత్వంలో సుధాకర్ రెడ్డి, మురళీధర్ గౌడ్, తండ్రీకొడుకులుగా నటిస్తున్న ‘పళ్ళ బురుసు’ నుంచి ‘కొత్త సోకు’ అంటూ సాగే లిరికల్ వీడియో సాంగ్ వచ్చేసింది.
సురేష్ గంగుల వ్రాసిన ఈ పాటకి పవన్ సిహెచ్ సంగీతం అందించగా, కుమార వాగ్దేవి, లక్ష్మి మేఘన, మాడం కలిసి హుషారుగా పాడారు.
తెలంగాణ గ్రామీణ నేపధ్యంలో తీసిన ఈ సినిమాలో తండ్రీకొడుకుల మద్య పళ్ళు తోముకునే బ్రష్ విషయంలో జరిగిన చిన్న గొడవ కోర్టు వరకు వెళ్ళడమే అసలు కథ. ఈ సినిమాలో ప్రజ్వల్, గోమతి తదితరులు ముఖ్య పాత్రలు చేశారు.
ఈ సినిమాకు రచన, దర్శకత్వం: ఉదయ్ చౌహాన్; పాటలు: సురేష్ గంగుల; సంగీతం: పవన్ సీహెచ్, కెమెరా: వినోద్ కె.బంగారి; ఎడిటింగ్: సృజన అడుసుమిల్లి; కోరియోగ్రఫీ: విష్ణు ప్రిజర్వర్ చేశారు.
అన్నపూర్ణ స్టూడియోస్, ఎపిక్ స్టూడియోస్ బ్యానర్లపై ఆదిత్య పిట్టీ, వివేక్ క్రిష్ణాని కలిసి సిద్ధం చేసిన ఈ ‘పళ్ళ బురుసు’ని ఆగస్ట్ 14న ప్రేక్షకులకు అందించబోతున్నారు.
