కేసీఆర్‌ మౌనం, మాట రెండూ సంచలనమే: కేటీఆర్‌
నేడు ‘దీక్షా దివస్’ సందర్భంగా బీఆర్ఎస్‌ వర్కింగ్ ప్రెసిడెంట్‌ కేటీఆర్‌ తెలంగాణ భవన్‌లో మీడియా సమావేశం నిర్వహించి కేసీఆర్‌ గురించి ఆసక్తికరమైన వ్యాఖ్యలు చేశారు.
“కేసీఆర్‌ గారు ఏడాదిన్నరగా కనపడటం లేదు. మాట్లాడటం లేదు. ఆయన పని అయిపోయిందంటూ కొందరు చిల్లర మాటలు మాట్లాడుతున్నారు. గోడకు వ్రేలాడదీసిన తుపాకీ కూడా నిశబ్ధంగానే ఉంటుంది. కానీ తీసినప్పుడు దాని కధ ఏమిటో తెలుస్తుంది. కేసీఆర్‌ కూడా అలాంటివారే. ఆయనకు ఎప్పుడు బయటకు రావాలో, ఎప్పుడు మాట్లాడాలో బాగా తెలుసు. కేసీఆర్‌ మాట్లాడినా సంచలనమే మాట్లాడకపోయినా సంచలనమే,” అని అన్నారు.
కేటీఆర్‌ తండ్రిని ఎంతగా వెనకేసుకు వస్తున్నప్పటికీ రాజకీయాలలో ఉన్నవారు ఇలా ప్రవర్తిస్తే విమర్శలు తప్పవు. ఇదివరకు కాంగ్రెస్ యువరాజు రాహుల్ గాంధీ ‘రాజకీయాలకు సెలవు పెట్టి విదేశాలకు వెళుతున్నానని’ చెప్పినప్పుడు అందరూ ఆయనని “రాజకీయాలలో ప్రత్యర్ధులను ఎదుర్కో లేక భయపడి విదేశాలకు పరిపోతున్నారని, మళ్ళీ తిరిగి వస్తారా లేదా?” అని ఎద్దేవా చేశారు.
నాడు రాహుల్ గాంధీ చేసిందే నేడు కేసీఆర్‌ కూడా చేస్తున్నప్పుడు ప్రత్యర్ధులు వేలెత్తి విమర్శించకుండా ఉంటారా? అయినా రాజకీయాలలో ఉండాలనే ఉద్దేశ్యంతోనే ఆయన ఎన్నికలలో పోటీ చేశారు కదా?తాను కోట్లాడి సాధించి, అభివృద్ధి చేసుకున్న తెలంగాణ రాష్ట్రాన్ని కాంగ్రెస్ పార్టీ సర్వ నాశనం చేసేస్తోందని పదేపదే ఆరోపిస్తున్నప్పుడు మాజీ ముఖ్యమంత్రిగా తెలంగాణను కాపాడుకోవలసిన బాధ్యత ఆయనపై ఉంటుంది కదా?
కనీసం తనను గెలిపించిన గజ్వేల్ ప్రజల తరపున శాసనసభలో మాట్లాడాలి కదా? కానీ పదవీ, అధికారం ఉంటేనే శాసనసభకు, ప్రజల మద్యకు వస్తారనడం సబబేనా? అని కేసీఆర్‌, ఆయనను వెనకేసుకు వస్తున్న కేటీఆరే ఆలోచించాలి కదా?
(Video Courtesy: Gulte)
5.png "సచివాలయంలో కాంగ్రెస్ బొమ్మలు తీసేస్తాం: కేటీఆర్‌")
