దీక్షా దివస్: కవిత ఏమన్నారంటే...
నాడు కేసీఆర్‌ ఆమరణ నిరాహార దీక్ష చేసి తెలంగాణ సాధించారు. కనుక బీఆర్ఎస్‌ పార్టీ ఏటా దీక్షా దివస్ జరుపుతూ ఆయన పోరాటాలను, త్యాగాలను గుర్తు చేసుకుంటుంది. ఈరోజు దీక్షా దివస్ సందర్భంగా ఆయన కుమార్తె, తెలంగాణ జాగృతి అధ్యక్షురాలు కల్వకుంట్ల కవిత స్పందిస్తూ సోషల్ మీడియాలో ఓ సందేశం పెట్టారు. దానిలో ఆయన పోరాటాలతో ప్రజలలో ఉద్యమస్పూర్తి నింపి తెలంగాణ సాధించామని చెప్పుకొచ్చారు. కానీ “భౌగోళిక తెలంగాణ సాధించాం !! సామాజిక తెలంగాణ సాధిస్తాం,” అంటూ సందేశం ముగించారు.
తన తండ్రి కేటీఆర్‌ తెలంగాణ సాధకుడని ఆమె పొగడటం సహజమే. కానీ పదేళ్ళ కేసీఆర్‌ పాలనలో తెలంగాణలో సామాజిక న్యాయం జరుగలేదని చెప్పడం ఆయన పాలనని తప్పు పడుతున్నట్లే ఉంది. ఆయన చేయని పని కోసం తాను పోరాడుతున్నానని కల్వకుంట్ల కవిత చెప్పుకున్నారు.
తండ్రి పట్ల కూతురికి గౌరవం ఉండటం సహజమే. కానీ ఓ పక్క తండ్రిని పొగుడుతూనే ఆయన పాలనలో లోపాలు, వైఫల్యాలు, బీఆర్ఎస్‌ పార్టీ నేతల అవినీతి, అక్రమాల గురించి గట్టిగా మాట్లాడుతుండటంతో ఆమె రాజకీయ అయోమయంలో ఉన్నారా లేదా ప్రజలనే అయోమయపరుస్తున్నారా? అని సందేహం కలుగుతుంది.
ఒక యోధుని దీక్ష
— Kavitha Kalvakuntla (@RaoKavitha) November 29, 2025
అమరుల త్యాగం
యావత్ తెలంగాణ
..జాతికి మేలుకొలుపైంది
..ఐక్యతా గీతమైంది
..ఉద్యమ స్ఫూర్తిని నింపింది
తెలంగాణ ఉద్యమాన్ని విజయపథం వైపు నడిపింది !!!
రాష్ట్ర సాధనకు దారి దీపమైంది !!!
భౌగోళిక తెలంగాణ సాధించాం !!
సామాజిక తెలంగాణ సాధిస్తాం !!
జై…
5.png "సచివాలయంలో కాంగ్రెస్‌ బొమ్మలు తీసేస్తాం: కేటీఆర్‌")
