పంచాయితీలలో ఏకగ్రీవాలు... వద్దే వద్దు!
వచ్చే నెల తెలంగాణలో గ్రామ పంచాయితీ ఎన్నికలు జరుగబోతున్నాయి. మొదటి విడత ఎన్నికలకు ఇంకా నామినేషన్స్ గడువు ముగియక మునుపే చాలా పంచాయితీలలో సర్పంచ్ పదవులకు వేలంపాటలు నిర్వహిస్తూ ఏకగ్రీవాలు జరుగుతున్నాయి. మీడియాలో ఈ వార్తలు వస్తున్నప్పటికీ ఎన్నికల సంఘం స్పందించక పోవడం ఆశ్చర్యం కలిగిస్తుంది.
ఓ మాజీ సర్పంచ్ ఈ వేలంపాటలపై స్పందిస్తూ, “దయచేసి ఎవరూ అప్పులు చేసి, ఆస్తులు తాకట్టు పెట్టి ఈ వేలంపాటలలో పాల్గొనవద్దు. తర్వాత నాలాగా రోడ్డున పడొద్దు,” అని చేతులు జోడించి విజ్ఞప్తి చేశారు.
లక్షల రూపాయలు చెల్లించి సర్పంచ్ పదవులను కొనుక్కోవడానికి గ్రామస్తులు పోటీ పడటానికి రెండు కారణాలు కనిపిస్తున్నాయి. 1. అభివృద్ధి పనులకు నిధులు వస్తే అంతకు అంతా తిరిగి రాబట్టుకోవచ్చనే ఆశ. 2. సర్పంచ్ పదవిపై మోజు. లేకుంటే నామ మాత్రపు గౌరవవేతనం లభించే ఈ పదవులకు పోటీలు పడి ఎవరూ లక్షల రూపాయలు చెల్లించరు కదా?
ఏ కారణంతో వేలంపాటలో సర్పంచ్ పదవులు కొనుక్కున్నా, సకాలంలో నిధులు విడుదల కాకపోయినా, జిల్లా మంత్రులు, ఎమ్మెల్యేలు, ప్రతిపక్ష నేతల ఒత్తిళ్ళ వలన ఆ పనులు ఆగిపోయినా చివరికి నష్టపోయేది వారే కదా? కనుక ఈ వేలంపాటలకు దూరంగా ఉండాలనే మాజీ సర్పంచ్ విజ్ఞప్తిని అందరూ చెవికెక్కించుకుంటే చాలా మంచిది.
(Video courtesy: Chota News App)
5.png "సచివాలయంలో కాంగ్రెస్‌ బొమ్మలు తీసేస్తాం: కేటీఆర్‌")
