కాళేశ్వరంతో ఒక్క ఎకరానికి నీళ్ళు అందలేదు: కవిత
బీఆర్ఎస్‌ పార్టీలో కేసీఆర్‌, కేటీఆర్‌, హరీష్ రావులతో సహా పార్టీ నేతలందరూ కాళేశ్వరం ప్రాజెక్టు ఓ మహాద్భుతం. దాని ద్వారా రాష్ట్రంలో కోటి ఎకరాలకు నీళ్ళు పారించాము. కానీ ఈ కాంగ్రెస్‌ ప్రభుత్వం కేసీఆర్‌కి మంచి పేరు రాకూడదనే దానిని పాడుబెట్టేసిందని ఆరోపిస్తుంటారు.
కాళేశ్వరం ప్రాజెక్టులో వేలకోట్లు అవినీతి జరిగిందంటూ పీసీ ఘోష్ కమీషన్ చేత నివేదిక కూడా తయారు చేయించుకుందని, దాంతో తమపై రాజకీయ కక్ష సాధించాలని అనుకుంటోందని కేటీఆర్‌, హరీష్ రావులు పదేపదే ఆరోపిస్తుండటం అందరూ వినే ఉంటారు.
కానీ తెలంగాణ జాగృతి అధ్యక్షురాలు కల్వకుంట్ల కవిత జనం బాట కార్యక్రమంలో భాగంగా నేడు కామారెడ్డిలో పర్యటించినప్పుడు మీడియాతో మాట్లాడుతూ, “బీఆర్ఎస్‌ ప్రభుత్వ హయంలో జిల్లాలో ప్యాకేజీ 21,22 లతో కాంట్రాక్టర్లకు డబ్బులు ముట్టాయే తప్ప కాళేశ్వరం ప్రాజెక్టు ద్వారా జిల్లాలో ఒక్క ఎకరానికి నీళ్ళు అందలేదు.
ఈ మాట అంటే మళ్ళీ బీఆర్ఎస్‌ పార్టీ నేతలు నాపై విరుచుకుపడతారు. కానీ వాస్తవం మాత్రం ఇదే. ఈవిదంగా నాడు మా ప్రభుత్వంలో జరిగిన తప్పులని కేసీఆర్‌ దృష్టికి తీసుకు వెళ్ళినందుకే, నాపై కక్షకట్టి పార్టీలో నుంచి బయటకు గెంటేశారు,” అని అన్నారు.
5.png "సచివాలయంలో కాంగ్రెస్‌ బొమ్మలు తీసేస్తాం: కేటీఆర్‌")
