కొణిదెల పవన్ తేజ్ కొత్త సినిమా ‘జంట’.. ఫస్ట్ లుక్ విడుదల!
November 15, 2026
మెగాస్టార్ చిరంజీవిలి వరుసకు సోదరుడైన కొణిదెల సూర్యప్రకాష్ రావు కుమారుడు కొణిదెల పవన్ తేజ్ హీరోగా చేస్తున్న సినిమా పేరు ‘జంట’ అని ఖరారు చేశారు. ఈ సినిమాలో పవన్ తేజ్ ఫస్ట్ లుక్ పోస్టర్ సోషల్ మీడియాలో విడుదల చేశారు. ‘యుద్ధం రాముడితో కాదు రాజ్యంతో...’ అంటూ పెట్టిన క్యాప్షన్ ఆలోచింపజేస్తుంది.
ఇప్పటికే మూడు సినిమాలు చేసిన పవన్ తేజ్‌కు కనీసం ఈ సినిమా హిట్ అయితే మంచి గుర్తింపు వస్తుంది. ఈ సినిమాకు కథ, స్క్రీన్ ప్లే, దర్శకత్వం: రాజశేఖర్ యాదవ్, సంగీతం: సుభాష ఈశాన్, ఆర్ట్: పెద్దిరాజు అద్దాల, డైలాగ్స్: ఎన్. మధు, ఫైట్స్: గౌరీ శంకర్ చేస్తున్నారు.
వసుంధర ఆర్ట్స్ బ్యానర్‌పై రాజేష్ గునిశెట్టి, వీరు యాదవ్ కలిసి ఈ సినిమా నిర్మిస్తున్నారు. ఈ సినిమాలో హీరోయిన్‌, ఇతర నటీనటుల వివరాలు చిత్రబృందం ఇంకా ప్రకటించాల్సి ఉంది.
