దీపావళి కానుకగా బాలయ్య ‘దాదా’ ఫస్ట్ సింగిల్?
November 03, 2026
గోపీచంద్ మలినేని దర్శకత్వంలో నందమూరి బాలకృష్ణ హీరోగా తెరకెక్కుతున్న ‘దాదా’ సినిమా నుంచి తొలి పాటను ఈ నెల 5న దీపావళి (నవంబర్‌ 8) సందర్భంగా విడుదల చేయబోతున్నట్లు సమాచారం. బహుశః నేడో రేపో దీనిపై అధికారిక ప్రకటన వెలువడే అవకాశం ఉంది.
సూపర్ హిట్ సినిమా ‘వీరసింహారెడ్డి’ తర్వాత బాలకృష్ణ, గోపీచంద్ మలినేని కాంబినేషన్‌లో వస్తున్న సినిమా కావడంతో ‘దాదా’పై భారీ అంచనాలే ఉన్నాయి. ముఖ్యంగా బాలయ్య అభిమానులు ఈ సినిమాపై చాలా ఆశలు పెట్టుకున్నారు. ఈ సినిమాలో బాలకృష్ణ పవర్‌ఫుల్ గ్యాంగ్‌స్టర్ పాత్రలో నటిస్తున్నారు. ప్రస్తుతం శరవేగంగా ఈ సినిమా షూటింగ్ కొనసాగుతోంది.
ఈ సినిమాలో బాలయ్యకు జోడీగా కాజల్ అగర్వాల్‌ నటిస్తున్నారు. మంచు మనోజ్, సముద్రఖని, ఆర్‌.శరత్ కుమార్‌, అభిమన్యు సింగ్, ఉపేంద్ర లిమాయే, మనీష్ వాధ్వా, స్వాసిక ముఖ్య పాత్రలు చేస్తున్నారు. నర్గీస్ ఫఖిరీ స్పెషల్ సాంగ్‌లో సందడి చేయబోతున్నారు.
ఈ సినిమాకు మాటలు: సాయి మాధవ్ బుర్రా, పాటలు: రామజోగయ్య శాస్త్రి, సంగీతం తమన్, సినిమాటోగ్రఫీ: అరవింద్ ఎస్ కశ్యప్, ఎడిటింగ్: నవీన్ నూలి, యాక్షన్ కొరియోగ్రఫీ: రామ్-లక్ష్మణ్, వి.వెంకట్, రవివర్మ, కొరియోగ్రఫీ: శేఖర్ వీజే ఫర్‌ చేస్తున్నారు.
వృద్ధి సినిమాస్ బ్యానర్‌పై సతీష్ కిలారు నిర్మిస్తున్న ఈ బాలయ్య మార్క్ సినిమా ఈ ఏడాది డిసెంబర్‌ 24న విడుదల కాబోతోంది.
