డెకాయిట్ రిలీజ్ డేట్ లాక్!
October 28, 2025
షనీయల్ డియో దర్శకత్వంలో అడవి శేష్, మృణాళినీ ఠాకూర్ జంటగా చేస్తున్న ‘డెకాయిట్-ఒక ప్రేమ కధ’ డిసెంబర్‌ 25న క్రిస్మస్ పండుగకు విడుదల కావలసి ఉంది. కానీ అనివార్య కారణాల వలన మార్చి 19కి వాయిదా పడింది. ఈ విషయం తెలియజేస్తూ నేడు మరో రిలీజ్ డేట్ పోస్టర్‌ విడుదల చేశారు.
డెకాయిట్ కూడా గూడఛారి, మేజర్ వంటి యాక్షన్ సినిమాయేనని పోస్టర్స్ చూస్తేనే అర్దమవుతోంది. ఈ సినిమాలో ప్రముఖ దర్శకుడు, నటుడు అనురాగ్ కశ్యప్, ప్రకాష్ రాజ్, సునీల్, అతుల్ కులకర్ణి, జాన్ మేరీ ఖాన్, కామాక్షి భాస్కర్ తదితరులు ముఖ్య పాత్రలు చేస్తున్నారు.
అడవి శేష్, దర్శకుడు షనీల్ డియో ఇద్దరూ కలిసి ఈ కధ, స్క్రీన్ ప్లే చేశారు. డైలాగ్స్: అబ్బూరి రవి, సంగీతం: భీమ్స్ సిసిరోలియో, కెమెరా: ధనుష్ భాస్కర్, ఎడిటింగ్: కోదాటి పవన్ కళ్యాణ్‌, యాక్షన్: ఏ విజయ్ చేస్తున్నారు.
డెకాయిట్ యాక్షన్ చిత్రాన్ని తెలుగు, హిందీ భాషలలో అన్నపూర్ణ స్టూడియోస్ బ్యానర్‌పై సుప్రియా యార్లగడ్డ, సునీల్ నారంగ్ కలిసి నిర్మిస్తున్నారు. ఉగాది, ఈద్ పండుగల సందర్భంగా మార్చి 19న విడుదల కాబోతోంది.
