మోగ్లీ 2025 నుంచి సయ్యారే లిరికల్ సాంగ్
October 24, 2025
యువ హీరో రోషన్ కనకాల, సాక్షి మధోల్కర్ జంటగా చేస్తున్న ‘మోగ్లీ 2025’ నుంచి సయ్యారే అంటూ సాగే లిరికల్ వీడియో సాంగ్ నేడు విడుదల చేశారు. చంద్రబోస్ వ్రాసిన ఈ పాటని కాలభైరవ స్వరపరిచి సంగీతం అందించడమే కాకుండా ఐశ్వర్య దరూరితో కలిసి చాలా శ్రావ్యంగా పాడారు.
ఇదొక రొమాంటిక్ యాక్షన్ సినిమా కానీ మోగ్లీ 2025 అనే టైటిల్‌ ఎందుకంటే ఈ ప్రేమకధ అడవి నేపధ్యంలో సాగుతుంది కనుక. ఈ సినిమాలో బండి సంజయ్‌ సరోజ్ కుమార్‌, హర్ష చెముడు ముఖ్యపాత్రలు చేశారు.
ఈ సినిమాకు జాతీయ అవార్డు గ్రహీత సందీప్ రాజ్ కధ, దర్శకత్వం చేశారు. ఈ సినిమాకు సంగీతం: కాల భైరవ, కెమెరా: ఎం రామమూర్తి, ఎడిటింగ్: పవన్ కళ్యాణ్‌, ఆర్ట్: కిరణ్ మామిడి, యాక్షన్: నారాజ్ మడిగొండ చేశారు.
పీపుల్ మీడియా ఫ్యాక్టరీ బ్యానర్‌పై ప్రొడక్షన్ నంబర్ 42గా నిర్మిస్తున్న ఈ సినిమాకు టీజీ విశ్వప్రసాద్ వివేక్ కూచిభొట్ల నిర్మాతలు. ఈ ఏడాది డిసెంబర్‌ 12న మోగ్లీ 2025 విడుదల కాబోతోంది.
