మన శంకర ప్రసాద్ గారితో వెంకటేష్
October 23, 2025
అనిల్ రావిపూడి దర్శకత్వంలో మెగాస్టార్ చిరంజీవి చేస్తున్న ‘మన శంకరవర ప్రసాద్ గారు’ సినిమాలో విక్టరీ వెంకటేష్ కూడా ఓ ముఖ్య పాత్ర చేయబోతున్న సంగతి తెలిసిందే. ఆయనకు తమ టీమ్‌లోకి స్వాగతం పలుకుతూ చిరంజీవి ఓ ఫోటో అభిమానులతో షేర్ చేశారు.
చిరంజీవి, వెంకటేష్ ఇద్దరూ దశాబ్దాలుగా సినిమాలలో నటిస్తూనే ఉన్నారు. కానీ ఇంతవరకు ఎప్పుడూ కలిసి నటించలేదు. కనుక వారిద్దరూ తొలిసారిగా కలిసి ఈ సినిమా చేస్తుండటంతో వారి అభిమానులు కూడా చాలా సంతోషం వ్యక్తం చేస్తున్నారు.
నవంబర్‌ మొదటి వారం నుంచి వెంకటేష్ కూడా ఈ సినిమా షూటింగ్‌లో పాల్గొనబోతున్నట్లు సమాచారం. ఈ సినిమాలో చిరంజీవికి జోడీగా నయనతార నటిస్తున్నారు. రెండో హీరోయిన్‌గా క్యాథరిన్‌ చేయబోతునట్లు తెలుస్తోంది. మన శంకర వరప్రసాద్ గారితో పాటు హర్షవర్ధన్, అభినవ్ గోమటం, సచిన్ కేడ్కర్‌ ముఖ్య పాత్రలు చేస్తున్నారు.
ఈ సినిమాకు కధ, దర్శకత్వం: అనిల్ రావిపూడి, సంగీతం: భీమ్స్ సిసిరోలియో, కెమెరా: సమీర్ రెడ్డి, ఎడిటింగ్: తమ్మిరాజు చేస్తున్నారు.
షైన్ స్క్రీన్స్, గోల్డ్ బాక్స్ ఎంటర్‌టైన్‌మెంట్స్‌ బ్యానర్లపై సాహు గారపాటి, సుష్మిత కొణిదెల నిర్మిస్తున్న ఈ సినిమా 2026, జనవరి 14న సంక్రాంతి పండుగకి విడుదల కాబోతోంది.
