నవంబర్‌ 7న వస్తున్న ది గర్ల్ ఫ్రెండ్
October 05, 2025
విజయ్ దేవరకొండ ప్రేమించిన రష్మిక మందనతో వివాహ నిశ్చితార్ధం మొన్న శుక్రవారం జరిగింది. కానీ అతని గర్ల్ ఫ్రెండ్ హీరోయిన్‌గా నటించిన ‘ది గర్ల్ ఫ్రెండ్’ సినిమా పూర్తయి చాలా కాలం అవుతున్నా ఇంతవరకు విడుదల కాలేదు. ఆ లోటు కూడా తీరచేస్తూ నవంబర్‌ 7న ఈ సినిమా విడుదల చేయబోతున్నట్లు గీతా ఆర్ట్స్ ప్రకటించింది. ప్రేమించుకుంటున్నవారి మద్య సరైన అవగాహన ఉందా లేదా? అనే ప్రశ్నతో ఓ చక్కటి వీడియో కూడా విడుదల చేసింది.
ఈ సినిమాలో దీక్షిత్ శెట్టి, రష్మిక జోడీగా నటించారు. రావు రమేష్, రోహిణి తదితరులు ముఖ్యపాత్రలు చేశారు.
‘ది గర్ల్ ఫ్రెండ్’ సినిమాకు కధ, స్క్రీన్ ప్లే, డైలాగ్స్, దర్శకత్వం: రాహుల్ రవీంద్రన్, సంగీతం: హేషమ్ అబ్దుల్ వాహబ్, కెమెరా: కృష్ణన్ వసంత్, ఎడిటింగ్: చోట కే ప్రసాద్ చేశారు.
గీతా ఆర్ట్స్ బ్యానర్‌పై విద్యా కొప్పినీడి, ధీరజ్ మొగిలినేని కలిసి తెలుగు, తమిళ్, కన్నడ, మలయాళం, హిందీ భాషలలొ పాన్ ఇండియా మూవీగా నిర్మించిన ‘ది గర్ల్ ఫ్రెండ్’ నవంబర్‌ 7న ప్రేక్షకుల ముందుకు రాబోతోంది.
