జియో హాట్ స్టార్‌లోకి మిరాయ్... ఎప్పటి నుంచంటే...
October 04, 2025
ఘట్టమనేని కార్తీక్ దర్శకత్వంలో తేజ సజ్జా హీరోగా వచ్చిన ‘మిరాయ్’ పెద్దలని, పిల్లలని మిరాయ్ సమానంగా అలరించడంతో సూపర్ డూపర్ హిట్ అయ్యింది. మిరాయ్ రూ.150 కోట్లు పైనే కలెక్షన్స్ సాధించింది.
ప్రపంచాన్ని నాశనం చేసేందుకు ప్రయత్నిస్తున్న ఓ దుష్టశక్తిని ‘మిరాయ్’ అనే అతీతశక్తులు కలిగిన ఓ ఆయుధంతో ‘సూపర్ యోధ’ ఏవిదంగా అడ్డుకుంటాడనేది ఈ సినిమా కధ. థియేటర్లలో హిట్ కొట్టిన ఈ సినిమా కోసం ఓటీటీ ప్రేక్షకులు ఎదురుచూస్తున్నారు. వారి కోసం సూపర్ యోధ అక్టోబర్‌ 10న జియో హాట్ స్టార్ ఓటీటీలోకి వచ్చేస్తున్నాడు. తెలుగుతో పాటు మిగిలిన నాలుగు భాషల్లో కూడా మిరాయ్ అందుబాటులో ఉంటుంది.
ఈ సినిమాలో తేజ సజ్జ, రీతికా నాయక్ జంటగా నటించగా మంచు మనోజ్ దుష్టశక్తుల నాయకుడుగా నటించి మెప్పించారు. జగపతిబాబు, శ్రీయ శరణ్, జయరాం, రాజేంద్రనాధ్ జుట్శీ, పవన్ చోప్రా, తాంజ కెల్లర్ తదితరులు ముఖ్య పాత్రలు చేశారు.
ఈ సినిమాకి దర్శకత్వం, కెమెరా: కార్తీక్ ఘట్టమనేని, సంగీతం: గౌర హరి, ఆర్ట్: శ్రీ నాగేంద్ర తంగెల చేశారు.
