భద్రకాళి ట్రైలర్‌ విడుదల
September 10, 2025
తెలుగు ప్రేక్షకులకు సుపరిచితుడైన కోలీవుడ్‌ హీరో విజయ్ ఆంటోనీ 25వ సినిమాగా రూపొందిన ‘భద్రకాళి’ ఈ నెల 19న విడుదల కాబోతోంది. సినిమా రిలీజ్ డేట్ దగ్గర పడుతున్నందున ట్రైలర్‌ విడుదల చేశారు. రాజకీయాలు, అవినీతి, నేరాల నేపధ్యంలో తీసిన ఈ సినిమాలో ప్రధాన పాత్ర చేస్తున్న విజయ్ ఆంటోనీ రాజకీయ ప్రక్షాళన చేస్తాడా లేక రాజకీయాలలో ఉన్న ఈ అవలక్షణాలను వెలికి తీసి చూపించబోతున్నాడా? అనేది త్వరలోనే తెలుస్తుంది.
కోలీవుడ్‌ ప్రముఖ దర్శకుడు అరుణ్ ప్రభు పురుషోత్తమన్ దర్శకత్వంలో తీసిన ఈ సినిమాలో వాగై చంద్రశేఖర్, త్రుప్తి రవీంద్ర, కిరణ్, రియా జితు తదితరులు ముఖ్య పాత్రలు చేశారు.
ఈ సినిమాకి సంగీతం: విజయ్ ఆంథోనీ; కెమెరా: షెల్లీ ర్‌ కాలిస్ట్; యాక్షన్” రాజశేఖర్; ఆర్ట్: శ్రీరామన్‌, ఎడిటింగ్: రేమండ్ డెరిక్ క్రాస్ట, దిన్శా చేశారు.
సర్వాంత్ రామ్ చరణ్‌ క్రియేషన్స్ బ్యానర్‌పై రామాంజనేయులు జవ్వాజి నిర్మాణంలో వస్తున్న ఈ భద్రకాళి తెలుగు వెర్షన్ ఏషియన్ సురేష్ ఎంటర్టైన్మెంట్ విడుదల చేస్తోంది. రానా దగ్గుబాటి స్పిరిట్ మీడియా కూడా ఈ సినిమాలో భాగస్వామిగా ఉండటం వలన దీనిపై భారీ అంచనాలు ఏర్పడ్డాయి.
