నేపాల్లో భారత కరెన్సీకి అనుమతి..
భారత కరెన్సీ విషయంలో నేపాల్ ప్రభుత్వం కీలక నిర్ణయం తీసుకుంది. భారతీయులు, నేపాల్ పౌరులు రూ.200, రూ.500 విలువైన భారత కరెన్సీ నోట్లను నేపాల్లో ఉపయోగించేందుకు అనుమతి ఇచ్చింది. కానీ గరిష్ఠంగా రూ.25,000 వరకే అనుమతిస్తున్నట్లు తెలిపింది.
అయితే ఈ నిబంధన 2016 నవంబర్ 9వ తేదీ లేదా ఆ తర్వాత జారీ చేసిన రూ.200, రూ.500 నోట్లకు మాత్రమే వర్తిస్తుంది. ఈ మేరకు నేపాల్ రాష్ట్రీయ బ్యాంక్ (NRB) తాజాగా స్పష్టత ఇచ్చింది.
భారత్లో 2016లో పెద్ద నోట్ల రద్దు తర్వాత నేపాల్లో రూ.100 నోట్లను మాత్రమే అనుమతించింది. అప్పటి నుంచి రూ.200, రూ.500 నోట్ల వినియోగంపై ఆంక్షలు కొనసాగుతున్నాయి. దాదాపు పదేళ్ళ తర్వాత ఈ నిబంధనలను సడలించడం ద్వారా భారత్-నేపాల్ మధ్య ప్రయాణాలు, చిన్న వ్యాపార లావాదేవీలు మరింత సులభం కానున్నాయి.
ముఖ్యంగా భారతీయ పర్యాటకులకు వారి వలన లబ్ది పొందుతున్న నేపాల్లోని వర్తకులు, హోటల్స్, పర్యాటక రంగంలో ఉన్నవారికీ ఇది చాలా ఉపశమనం కలిగిస్తుంది.
