నాగ చైతన్య-కార్తీక్ దండు సినిమా టైటిల్‌ ఫిక్స్?
April 25, 2025
‘విరూపాక్ష’తో కార్తీక్ దండు ప్రేక్షకులను మెప్పించగా, ‘తండేల్’ సినిమాతో నాగ చైతన్య ప్రేక్షకులను మెప్పించి తొలిసారిగా వంద కోట్ల క్లబ్‌లో అక్కినేని కుటుంబాన్ని చేర్చారు. కనుక వారిద్దరి కాంబినేషన్‌లో సినిమా ప్రకటించగానే భారీ అంచనాలు ఏర్పడ్డాయి.
ఈ సినిమా ప్రీ-లుక్‌ పోస్టర్‌లో ఓ జంతువు కన్ను... దాని కంటి ప్రతిబింబంలో నాగ చైతన్య ఓ కొండ గుహలో నిలబడినట్లు చూపారు. అంటే ఇదో సాహసయాత్ర సినిమా అని చెప్పేశారు. ఈ జోనర్‌లో నాగ చైతన్య సినిమా చేయడం ఇదే మొదటిసారి కనుక ఈ సినిమాకి ప్లస్ పాయింట్ అవుతుంది.
ఈ సినిమాకి ‘వృష ఖర్మ’ అని టైటిల్‌ ఖరారు చేసినట్లు సోషల్ మీడియాలో ఊహాగానాలు వినిపిస్తున్నాయి. కానీ ఇంకా ఖరారు చేయవలసి ఉంది. నాగ చైతన్య, మీనాక్షి చౌదరి జంటగా నటిస్తున్న ఈ సినిమాని బీవీఎన్ ప్రసాద్, సుకుమార్ రైటింగ్స్ కలిసి నిర్మిస్తున్నారు.
1.jpg "రాపో22 టైటిల్‌ గ్లింమ్స్‌ రేపే విడుదల")
