హరిహర వీరమల్లు అప్‌డేట్‌
October 11, 2024
పవన్ కళ్యాణ్‌ ప్రధాన పాత్రలో ‘హరిహర వీరమల్లు’ మార్చి 28న విడుదల కావాల్సి ఉండగా సాంకేతిక కారణాల వలన మే 9కి వాయిదా పడింది. కానీ మళ్ళీ వాయిదా పడిందని ఊహాగానాలు వినిపిస్తుండటంతో చిత్ర బృందం కలుగజేసుకొని వాటిని ఖండించింది.
ప్రస్తుతం రీ రికార్డింగ్, డబ్బింగ్, విఎఫ్ఎక్స్‌ తదితర పోస్ట్ ప్రొడక్షన్ పనులు శరవేగంగా జరుగుతున్నాయని తెలిపింది. హరిహర వీరమల్లు ఎట్టి పరిస్థితులలో మే 9న విడుదల చేస్తామని కనుక ఈ వేసవిలో ఓ అద్భుతమైన సినిమా చూసిన అనుభూతి పొందేందుకు అందరూ సిద్దంగా ఉండాలని చిత్ర బృందం విజ్ఞప్తి చేస్తూ ఓ పోస్టర్ పెట్టింది.
ఈ సినిమాలో బాబీ డియోల్, అనుపమ్ ఖేర్, జాక్విలిన్ ఫెర్నాండస్, అర్జున్ రాంపాల్, విక్రమ్ జీత్, జిష్ణుసేన్ గుప్తా, నోరాహి ఫతేహి, ఆదిత్య మీనన్, శుభలేఖ సుధాకర్, పూజిత పొన్నాడ తదితరులు ముఖ్యపాత్రలు చేస్తున్నారు.
హరిహర వీరమల్లులో దర్శకుడు క్రిష్ పూర్తిచేయగా మిగిలిన సన్నివేశాలను జ్యోతీ కృష్ణ దర్శకత్వంలో పూర్తి చేస్తున్నారు. ఈ సినిమాకి కధ, దర్శకత్వం, స్క్రీన్ ప్లే: క్రిష్, జ్యోతి కృష్ణ, సంగీతం: ఎంఎం కీరవాణి, పాటలు: స్వర్గీయ సిరివెన్నెల సీతారామ శాస్త్రి, చంద్రబోస్, కెమెరా: జ్ఞానశేఖర్, ఎడిటింగ్: శ్రవణ్, ఫైట్స్: రామ్-లక్ష్మణ్, శామ్ కౌశల్, దిలీప్ సుబ్బరాయన్.
మే 9 న విడుదల కాబోతున్న ఈ సినిమాని మెగా సూర్య ప్రొడక్షన్స్ బ్యాననర్‌లో ఏఎం రత్నం రూ.150 కోట్ల భారీ బడ్జెట్‌తో పాన్ ఇండియా మూవీగా తెలుగు, తమిళ్, కన్నడ, మలయాళం, హిందీ భాషల్లో నిర్మిస్తున్నారు.
4.jpeg "దర్శకుడు మారుతి వాతావరణ హెచ్చరిక!")
