జగిత్యాల సభకు కేసీఆర్ హాజరవుతారు: కేటీఆర్
40.jpg "జగిత్యాల సభకు కేసీఆర్ హాజరవుతారు: కేటీఆర్")
ఇటీవల కాంగ్రెస్ పార్టీని వీడి బీఆర్ఎస్ పార్టీలో చేరేందుకు సిద్దమవుతున్న జీవన్ రెడ్డి, కేసీఆర్ సూచన మేరకు జగిత్యాలలో ఈ నెల 20న భారీ బహిరంగ సభ నిర్వహించబోతున్నారు. దీని ఏర్పాట్లు, జనసమీకరణకు బీఆర్ఎస్ పార్టీ నేతలు, కార్యకర్తలు తోడ్పాటు అందించాలని కేసీఆర్ ఆదేశించారు. కనుక జీవన్ రెడ్డి, బీఆర్ఎస్ పార్టీ నేతలు ఆ హడావుడిలో ఉన్నారు. బీఆర్ఎస్ పార్టీ వర్కింగ్ ప్రెసిడెంట్ కేటీఆర్ ఈరోజు పార్టీ సమావేశంలో మాట్లాడుతూ, “ఈనెల 20న జరిగే బీఆర్ఎస్ పార్టీ సభకు కేసీఆర్ హాజరవుతారు. కనుక మనమందరం కలిసి ఈ సభ విజయవంతం చేయాలి,” అని అన్నారు.
ఈ నెల 25న కల్వకుంట్ల కవిత తన కొత్త పార్టీ పేరు, జెండా, అజెండా ప్రకటిస్తామని ముందే చెప్పారు. కేసీఆర్ టిఆర్ఎస్ పార్టీ పేరు వదులుకున్నారు కనుక ఆ పేరు ఫ్రీగా ఉందని ఎవరైనా వాడుకోవచ్చని కల్వకుంట్ల కవిత అన్నారు.
బహుశః అందుకే జగిత్యాల బహిరంగ సభ 5 రోజుల ముందుగా ముహూర్తం పెట్టుకున్నారేమో? ఏది ఏమైనప్పటికీ మళ్ళీ చాలా కాలం తర్వాత కేసీఆర్ బహిరంగ సభలో పాల్గొనబోతున్నారు. కనుక ఆయన కొత్తగా ఏం చెప్పబోతున్నారనే ఆసక్తి ఏర్పడుతుంది. అదేరోజు జీవన్ రెడ్డికి కేసీఆర్ గులాబీ కండువా కప్పి పార్టీలో చేర్చుకొనవచ్చు.
20.jpg "కాళేశ్వరం కమీషన్ కేసు విచారణ 22కి వాయిదా!")