అక్టోబర్ 4న శర్వానంద్‌ భోగి టీజర్‌
October 03, 2026
శర్వానంద్‌, అనుపమ పరమేశ్వరన్‌ జంటగా చేస్తున్న భోగి సినిమా టీజర్‌ రేపు (ఆదివారం) విడుదల కాబోతోంది.. అని తెలియజేస్తూ ఓ పోస్టర్ వేశారు.
సంపత్ నంది దర్శకత్వంలో తెరకెక్కుతున్న ఈ సినిమాలో అనుపమ పరమేశ్వరన్‌ కూరగాయలు అమ్ముకునే కందుల సులోచనా రాణిగా నటిస్తున్నారు.
1960లో తెలంగాణ-మహారాష్ట్ర సరిహద్దు గ్రామాలలో అణచివేత, దౌర్జన్యాలకు వ్యతిరేకంగా జరిగిన తిరుగుబాటు, పోరాటాల నేపధ్యంతో ఈ సినిమాని తెరకెక్కిస్తున్నారు.
ఈ సినిమాకు కధ, దర్శకత్వం: సంపత్ నంది, పాటలు: చంద్రబోస్, సంగీతం: భీమ్స్ సిసిరోలియో, కెమెరా: ఎ కిషోర్ కుమార్‌, స్టంట్స్: దిలీప్ సుబ్బరాయన్, ఆర్ట్: కిరణ్ కుమార్‌ మన్నె చేస్తున్నారు.
శ్రీ సత్యసాయి ఆర్ట్స్ బ్యానర్‌పై కెకె రాధామోహన్ తెలుగు, తమిళ్, కన్నడ, మళయాళ, హిందీ భాషల్లో నిర్మిస్తున్న ఈ సినిమా ఆగస్ట్ 28న విడుదల కావాల్సి ఉంది. కానీ అనివార్య కారణాల వలన ఇంతవరకు విడుదల కాలేదు. బహుశః రేపు టీజర్‌లో సినిమా ఎప్పుడు విడుదల చేస్తున్నదీ ప్రకటిస్తారేమో?
.png "మనం మరిచిన మన వీరుల కథే రణబాలి")
.png "అక్టోబర్ 9న హనుమాన్ అంశ్ తెలుగులో విడుదల")
