ఎన్టీఆర్-త్రివిక్రమ్ సినిమా అప్డేట్
September 30, 2026
ఎన్టీఆర్, త్రివిక్రమ్ శ్రీనివాస్ కాంబినేషన్లో గతంలో వచ్చిన ‘అరవింద సమేత వీర రాఘవ’ సూపర్హిట్ అయ్యింది. దీంతో వీరిద్దరి కాంబినేషన్లో మరో సినిమా అంటే అభిమానుల్లో తప్పకుండా ఆసక్తి నెలకొంటుంది.
తాజాగా తమ సినిమాకు సంబంధించి దర్శకుడు త్రివిక్రమ్ స్వయంగా ఓ అప్డేట్ ఇచ్చారు. వెంకటేష్ హీరోగా ఆయన ‘ఆదర్శ కుటుంబం’ సినిమా చేస్తున్న సంగతి తెలిసిందే.
ఈ సినిమా ప్రమోషన్స్లో భాగంగా యాంకర్ సుమ కనకాల నిర్వహించిన ఇంటర్వ్యూలో ఓ ప్రశ్నకు సమాధానంగా ఎన్టీఆర్తో సినిమా చేయబోతున్నట్లు త్రివిక్రమ్ స్పష్టం చేశారు. ఎన్టీఆర్ కోసం సిద్ధం చేసిన సినిమా స్క్రిప్ట్ పూర్తయిందని తెలిపారు. అయితే ఆ సినిమాకు ఇంకా టైటిల్ ఖరారు చేయలేదని చెప్పారు.
ఇప్పటివరకు ఈ సినిమాకు ‘గాడ్ ఆఫ్ వార్’ అనే టైటిల్ ప్రచారంలో ఉంది. అయితే అది ఫైనల్ కాలేదని త్రివిక్రమ్ వ్యాఖ్యలతో స్పష్టమైంది. దీంతో ఎన్టీఆర్-త్రివిక్రమ్ కాంబినేషన్లో తెరకెక్కనున్న సినిమా పౌరాణిక కథాంశంతో ఉంటుందా? లేక సోషియో ఫ్యాంటసీగా తెరకెక్కుతుందా? అనే ఆసక్తి నెలకొంది.
