జెట్ స్పీడ్లో రాపో23 షూటింగ్
August 05, 2026
రామ్ పోతినేని తొలిసారిగా దర్శకత్వం వహిస్తూ నటిస్తున్న రాపో23 (వర్కింగ్ టైటిల్) సినిమా షూటింగ్ శరవేగంగా కొనసాగుతోంది. ప్రస్తుతం చిత్ర బృందం పుదుచ్చేరిలో 15 రోజుల పాటు సాగే కీలక షెడ్యూల్ను ప్రారంభించింది. ఈ షెడ్యూల్లో సినిమా కథకు కీలకమైన సన్నివేశాలతో పాటు భారీ యాక్షన్ ఎపిసోడ్లు, ఒక పాటను చిత్రీకరించనున్నారు.
ప్రముఖ కొరియోగ్రాఫర్ బృందా మాస్టర్ ఆధ్వర్యంలో ముందుగా ఓ పాటను చిత్రీకరించిన తర్వాత, ప్రముఖ స్టంట్ మాస్టర్ విక్రమ్ మోర్ పర్యవేక్షణలో కొన్ని భారీ యాక్షన్ సన్నివేశాలు చిత్రీకరిస్తారు. ఈ సినిమాలో రామ్కు జోడీగా సంయుక్త మీనన్ నటిస్తున్నారు.
రాపో సినిమాతిక్స్ బ్యానర్పై రామ్ సోదరుడు కృష్ణ పోతినేని సుమారు వంద కోట్ల భారీ బడ్జెట్తో ఈ సినిమా నిర్మిస్తున్నారు.
సైకాలజికల్ యాక్షన్ థ్రిల్లర్గా రూపొందుతున్న ఈ సినిమాకు సినిమాటోగ్రాఫర్: తిరు; సంగీత దర్శకుడు: శామ్ సీఎస్, పని చేస్తున్నారు. ఈ ఏడాది డిసెంబర్ నెల్లో ఈ సినిమా విడుదల చేసేందుకు ప్లాన్ చేసుకుంటున్నట్లు తెలుస్తోంది.
