జన నాయగన్ కాపీ, రీమేక్ కాదట!
July 22, 2026
తమిళనాడు సిఎం జోసఫ్ విజయ్ చివరిగా నటించిన ‘జన నాయగన్’ (తెలుగులో జన నాయకుడు) అనేక సమస్యలు అధిగమించి రేపు (జూలై 23న) ప్రపంచవ్యాప్తంగా విడుదల కాబోతోంది.
అయితే జనవరిలో విడుదల కావాల్సిన ఈ సినిమా ఏడూ నెలల ఆలస్యంగా విడుదలవుతుండటం, ఇప్పటికే ఆ సినిమా లీక్ అవడంతో సుమారు కోటిన్నర మంది చూసేయడం ఆ సినిమాపై ఎంతో కొంత ప్రభావం చూపవచ్చనిపిస్తోంది.
దీనికి తోడూ ఈ సినిమాలో కొన్ని సన్నివేశాలు బాలకృష్ణ, శ్రీలీల ప్రధానపాత్రలు చేసిన ‘భగవంత్ కేసరి’కి కాపీగా కనిపిస్తుండటం తమిళ ‘జన నాయగన్’పై అంతగా ప్రభావం చూపకపోయినా తెలుగులో ‘జన నాయకుడు’పై తీవ్ర ప్రభావం చూపవచ్చు.
కానీ ప్రముఖ దర్శకుడు అనిల్ రావిపూడి ఈ సినిమా ‘భగవంత్ కేసరి’కి కాపీ కాదని స్పష్టం చేశారు. ఈ సినిమాలో కొన్ని సన్నివేశాలను స్పూర్తిగా తీసుకొని విజయ్ దళపతి ఇమేజ్కి తగ్గట్లు రూపొందించారని అనిల్ రావిపూడి అన్నారు. కనుక తెలుగులో కూడా ఈ సినిమా తప్పకుండా హిట్ అవుతుందని ఆశాభావం వ్యక్తం చేశారు.
హెచ్.వినోద్ దర్శకత్వంలో 'జన నాయకన్'ని కెవిఎన్ ప్రొడక్షన్స్ చాలా భారీ బడ్జెట్తో తెరకెక్కించింది. ఈ సినిమాలో విజయ్కు జోడీగా పూజా హెగ్డే నటించగా, బాబీ డియోల్ విలన్గా నటించారు. ప్రకాశ్ రాజ్, గౌతమ్ వాసుదేవ్ మీనన్, మమిత బైజు, ప్రియమణి, నరేన్ తదితరులు ముఖ్య పాత్రలు చేశారు. ఈ సినిమాకి అనిరుధ్ రవిచందర్ సంగీతం అందించారు.
