ది ఒడిస్సీ చాలా సీరియస్.. కానీ రిటర్న్ జార్నీ ఫన్నీ
July 21, 2026
క్రిస్టోఫర్ నోలన్ దర్శకత్వంలో విడుదలైన ‘ది ఒడిస్సీ’ మొదటి వారంలోనే ప్రపంచవ్యాప్తంగా రూ. 2,000 కోట్లు కలెక్షన్స్ సాధించి దూసుకుపోతోంది. భారత్లో కూడా దీని హవా కొనసాగుతోంది. సోమవారం ఒక్కరోజే రూ.7.78 కోట్లు వసూలు చేసింది. భారతీయ సినిమాలు భారత్ ఈ మాత్రం వసూళ్ళు సాధించలేక తడబడుతుంటే హాలీవుడ్ సినిమా ది ఒడిస్సీ మొదటి వారంలోనే రూ.64.58 కోట్లు (నెట్) వసూళ్ళు సాధించి దూసుకుపోతోంది.
ఈ సినిమా ఘన విజయం సాధించడంతో చిత్ర బృందం ఒక ఫన్నీ వీడియో రిలీజ్ చేసింది. దానిలో ట్రోజన్ వార్ ముగిసిన తర్వాత ఒడిస్సియస్ తన సైన్యంతో కలిసి పడవలో ‘ఇథాక’కు తిరుగు ప్రయాణం అవుతాడు. అప్పుడు ఓ సైనికుడు త్వరగా స్వదేశం చేరుకునేందుకు ఇది పనికివస్తుంది అంటూ ఓ మ్యాప్ అతని చేతిలో పెడతాడు. కానీ ఒడిస్సియస్ దానిని సముద్రంలో విసిరేసి జేబులో నుంచి మొబైల్ ఫోన్ బయటకు తీసి దానిలో ‘గూగుల్ మ్యాప్’ ఉందని గర్వంగా చూపిస్తాడు. ఆ తర్వాత ఏం జరిగిందో తెలియాలంటే ఈ వీడియో చూసి తీరాల్సిందే.
The real reason Odysseus took 10 years to get home pic.twitter.com/nFrbCZeXq0
— newzy.com (@realnewzy) July 20, 2026
