ఒక నెల ఆలస్యంగా రావు బహద్దూర్!
May 09, 2026
వెంకటేష్ మహా దర్శకత్వంలో సత్యదేవ్ ప్రధాన పాత్రలో ‘రావు బహదూర్’ జూన్ 5న విడుదల కావాల్సి ఉండగా జూలై 3కి వాయిదా పడింది. ఈ మేరకు సోషల్ మీడియా ద్వారా తెలియజేశారు. భారీ అంచనాలతో ఏప్రిల్ 30న విడుదల కావాల్సిన ‘పెద్ది’ జూన్ 4కి మారడంతో రావు బహద్దూర్ వాయిదా తప్పలేదు.
ఈ సినిమాలో సత్యదేవ్ ‘రావు బహదూర్’గా నటిస్తున్నారు. వృద్ధుడైన రావు బహదూర్కి తన వంశాకురం గురించి కలిగిన అనుమానం చుట్టూ అల్లుకున్న కథ ఇదని పోస్టర్లు, వాటి క్యాప్షన్ ద్వారా చూచాయగా చెప్తున్నారు దర్శకుడు వెంకటేష్ మహా. అవునో కాదో ట్రైలర్లో చెప్పెయవచ్చు.
ఈ సినిమాలో వికాస్ ముప్పల, దీప థామస్, బాలీవుడ్ పరసర్, ఆనంద్ భారతి, ప్రణయ్ వాక, కునాల్ కౌశిక్, మాస్టర్ కిరణ్ ముఖ్యపాత్రలు చేస్తున్నారు.
ఈ సినినిమాకు కథ, దర్శకత్వం, ఎడిటింగ్: వెంకటేష్ మహా, సంగీతం: స్మరణ్ సాయి, కెమెరా: కార్తీక పర్మర్, కోరియోగ్రఫీ: శ్రావణ్ ముప్పిరి చేస్తున్నారు.
ఈ సినిమా నిర్మాణంలో మహేష్ బాబు కూడా భాగస్వామిగా ఉన్నారు. జీఎంబీ ఎంటర్టైన్మెంట్స్ సమర్పణలో శ్రీ చక్రాస్ ఎంటర్టైన్మెంట్స్, మహాయాన బ్యానర్లపై చింత గోపాలకృష్ణ రెడ్డి, అనురాగ్ రెడ్డి, శరత్ చంద్ర కలిసి నిర్మిస్తున్న ‘రావు బహదూర్’ జూలై 3న విడుదల కాబోతోంది.
.png "పెద్ది రికార్డులు... నోట్ చేసుకుంటున్నారా?")
