పెద్ది నుంచి రెండో పాట: రయ్ రయ్ రారా
March 03, 2026
బుచ్చిబాబు సనా దర్శకత్వంలో రామ్ చరణ్, జాన్వీ కపూర్ జంటగా చేస్తున్న ‘పెద్ది’ నుంచి ‘రయ్ రయ్ రారా...’ అంటూ సాగే రెండో పాట సోమవారం విడుదలైంది. చెరుకు క్రషర్ ఫ్యాక్టరీ నేపధ్యంలో చిత్రీకరించిన ఈ పాటకి ఎప్పటిలాగే రామ్ చరణ్ చాలా హుషారుగా డాన్స్ చేశారు. అనంత్ శ్రీరామ్ వ్రాసిన ఈ పాటని ప్రముఖ సంగీత దర్శకుడు ఏఆర్ రహమాన్ స్వరపరిచి స్వయంగా పాడారు.
ఈ సినిమాలో రామ్ చరణ్కు జోడీగా జాహ్నవీ కపూర్ నటిస్తుండగా, కోచ్ ‘గౌరు నాయుడు’గా కన్నడ నటుడు శివరాజ్ కుమార్ నటిస్తున్నారు. ఈ సినిమాలో జగపతి బాబు, శివ రాజ్ కుమార్, దివ్యేంద్రు తదితరులు ముఖ్య పాత్రలు చేస్తున్నారు.
ఈ సినిమాకి సంగీతం: ఏఆర్ రహమాన్, కెమెరా: రత్నవేలు, ఎడిటింగ్: నవీన్ నూలి అందిస్తున్నారు.
వృద్ధి సినిమాస్, సుకుమార్ రైటింగ్స్, మైత్రీ మూవీ మేకర్స్ బ్యానర్లపై వెంకట సతీష్ కిలారు దీనిని పాన్ ఇండియా మూవీగా 5 భాషల్లో నిర్మిస్తున్నారు. ఏప్రిల్ 30న పెద్ది ప్రపంచవ్యాప్తంగా విడుదల కాబోతోంది.
.jpg "టాక్సిక్ ఫస్ట్ సాంగ్... మార్చి 2న")
.jpg "రాజమౌళి టీమ్ త్వరలో అంటార్కిటికాకి..")
