చిన్ని గుండెలో లిరికల్ సాంగ్... ఆంధ్రా కింగ్‌ తాలూకా
November 01, 2025
.jpeg)
రామ్ పోతినేని, భాగ్యశ్రీ బోరే జంటగా చేసిన ‘ఆంధ్రా కింగ్‌ తాలూకా’ నుంచి ఇటీవల విడుదలైన టీజర్‌ సినిమాపై అంచనాలు పెంచింది. తాజాగా ఈ సినిమా నుంచి ‘చిన్ని గుండెలో...’ అంటూ సాగే లిరికల్ వీడియో సాంగ్ శుక్రవారం విడుదలైంది.
కృష్ణ కాంత్ వ్రాసిన ఈ పాటకి వివేక్, మెర్విన్ సంగీతం అందించగా మెర్విన్ సోలోమన్, సత్య యామిని కలిసి మధురంగా పాడారు.
నూతన దర్శకుడు మహేష్ బాపు దర్శకత్వంలో తెరకెక్కిస్తున్న ఈ సినిమా “ఓ అభిమాని బయోపిక్” అని చెపుతూ 1970-80 లలో హీరోల అభిమానులు ఏవిదంగా ఉండేవారో చూపిస్తున్నారు.
ఈ సినిమాలో సినీ హీరోగా ప్రముఖ కన్నడ నటుడు ఉపేంద్ర నటించగా, ఆయన వీరాభిమానిగా రామ్ పోతినేని నటించారు. రావు రమేష్, మురళీ శర్మ, సత్య, రాహుల్ రామకృష్ణ, విటీవీ గణేష్ తదితరులు ముఖ్య పాత్రలు చేశారు.
ఈ సినిమాకు కధ, దర్శకత్వం, స్క్రీన్ ప్లే: మహేష్ బాబు బాపు, పాటలు: రామ్ మిరియాల, కార్తీక్ సంగీతం: వివేక్, మెర్విన్, కెమెరా: సిద్ధార్థ్ నుని, ఎడిటింగ్: శ్రీకర్ ప్రసాద్ చేశారు.
మైత్రీ మూవీ మేకర్స్ బ్యానర్‌పై నవీన్ ఎర్నేని, రవిశంకర్ కలసి ఈ సినిమా నిర్మిస్తున్నారు. ఈ సినిమా నవంబర్‌ 28 న ప్రపంచవ్యాప్తంగా విడుదల కాబోతోంది. కానీ ఒకరోజు ముందే ప్రీమియర్స్ వేయబోతున్నట్లు తాజా సమాచారం.
<iframe width="560" height="315" src="https://www.youtube.com/embed/dsdckc1uEHE?si=SbLhoiZ3YlP9Bf66" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>
