విచారణకు రాలేకపోయా రెండు రోజులు టైమ్ ఇవ్వండి: భగీరద్
పోక్సో కేసులో నిందితుడుగా పేర్కొనబడిన బండి భగీరద్ బుధవారం మధ్యాహ్నం 2 గంటలకు పేట్ బషీర్బాద్ పోలీస్ స్టేషన్లో విచారణకు హాజరు కావాల్సి ఉంది. కానీ కొన్ని వ్యక్తిగత కారణాల వలన రాలేకపోతున్నానని ఈమెయిల్ పంపాడు. ఈ కేసుకు సంబంధించి ఆధారాలు సేకరించేందుకు తనకు రెండు రోజులు సమయం ఇవ్వాలని విజ్ఞప్తి చేశాడు. కనుక రెండు రోజుల తర్వాత మరో తేదీ నిర్ణయించి తెలియజేస్తే తప్పకుండా విచారణకు హాజరై సహకరిస్తానని ఈమెయిల్ ద్వారా తెలియజేశాడు.
అయితే బండి భగీరద్ తనపై పోలీసులు నమోదు చేసిన పోక్సో కేసు కొట్టివేయాలని కోరుతూ హైకోర్టు వెకేషన్ బెంచ్లో నిన్న ఓ పిటిషన్ వేశాడు. దానిపై గురువారం విచారణ జరిగే అవకాశం ఉంది. కనుక అరెస్ట్ చేయవద్దంటూ హైకోర్టు ఆదేశిస్తుందనే ఆశతో రెండు రోజులు సమయం కోరినట్లు భావించవచ్చు. కానీ ఒకవేళ హైకోర్టు ఈ కేసు తీవ్రతని దృష్టిలో పెట్టుకొని పిటిషన్ కొట్టివేసి బేషరతుగా విచారణకు హాజరవ్వాలని ఆదేశిస్తే అప్పుడు తప్పదు కదా?
