డీలిమిటేషన్పై తొందరపాటు వద్దు: సిఎం రేవంత్ రెడ్డి
డీలిమిటేషన్ విషయంలో తొందరపాటు వద్దని సిఎం రేవంత్ రెడ్డి మరోసారి కేంద్రానికి సూచించారు. ఇది కేంద్రానికి మాత్రమే సంబందించిన అంశం కాదని, యావత్ దేశ ప్రజలకు సంబందించిన అంశమన్నారు. అఖిలపక్ష సమావేశం ఏర్పాటు చేసి ఈ విషయంలో అన్ని పార్టీల సూచనలు, సలహాలు, అభిప్రాయాలు తీసుకోవాలని సిఎం రేవంత్ రెడ్డి సూచించారు. దీంతో మహిళా రిజర్వేషన్స్ బిల్లు ముడి పెట్టాలనుకోవడం సరికాదన్నారు.
దక్షిణాదిలో 5 రాష్ట్రాలు, పశ్చిమాన్న రెండు రాష్ట్రాల నుంచి జీఎస్టీ ఆదాయంలో 53 శాతం కేంద్రానికి వస్తోంది. కనుక వాటికి ‘గ్రోత్ డివిడెండ్’గా జీఎస్టీ ఆదాయంలో 50 శాతం ఇవ్వాలని సిఎం రేవంత్ రెడ్డి డిమాండ్ చేశారు.
ఇందుకు సిఎం రేవంత్ రెడ్డి ఓ లెక్క చెప్పారు. డీలిమిటేషన్ ద్వారా 543 లోక్సభ సీట్లు 815కి పెరుగుతాయి. కనుక ఆ పెరిగే 272 సీట్లలో సగం 136 సీట్లు ఈ ఏడు రాష్ట్రాలలోనే ఉన్నాయి. కనుక ఆ ప్రకారమే వాటికి 50 శాతం ఇవ్వాలని సిఎం రేవంత్ రెడ్డి డిమాండ్ చేశారు.
ఇటీవల ఢిల్లీలో జరిగిన ఏఐసీసీ సమావేశంలో కూడా సిఎం రేవంత్ రెడ్డి కాంగ్రెస్ అధిష్టానానికి ఈ ప్రతిపాదనలు వివరించారు. కనుక కాంగ్రెస్ అధిష్టానం కలిసి వస్తే తప్ప సిఎం రేవంత్ రెడ్డి పోరాటాలు ఫలించవు.
21.jpg "హైడ్రాకు హైకోర్టు బ్రేకులు.. కూల్చివేతలపై స్టే!")
4.jpeg "ఇంటర్ ఫలితాలు: మళ్ళీ బాలికలే టాప్!")
