త్వరలో యల్లమ్మ టైటిల్‌ సాంగ్‌
October 31, 2026
ప్రముఖ సంగీత దర్శకుడు దేవిశ్రీ ప్రసాద్ తొలిసారిగా హీరోగా నటిస్తున్న ‘యల్లమ్మ’ సినిమా నుంచి టైటిల్‌ సాంగ్‌ త్వరలో విడుదల కాబోతోంది. దేశంలో వివిధ రాష్ట్రాలకు చెందిన వంద మంది జానపద కళాకారులతో దేవిశ్రీ ప్రసాద్ ఈ పాట రికార్డింగ్ చేశారని చిత్ర బృందం తెలియజేసింది. ఆ ఫోటోలు సోషల్ మీడియాలో విడుదల చేసింది.
హాస్య నటుడుగా చిన్న చిన్న పాత్రలతో కాలక్షేపం చేసే వేణు ఎల్దండి, హటాత్తుగా దర్శకుడుగా మారి తొలి సినిమా ‘బలగం’తో సూపర్ హిట్ కొట్టారు. ఇప్పుడు తన రెండో సినిమా ‘యల్లమ్మ’ను 5 భాషల్లో పాన్ ఇండియా మూవీగా తెరకెక్కిస్తున్నారు. కనుక ‘యల్లమ్మ’ విడుదలకు ఏమాత్రం తొందర పడటం లేదు. ఈ సినిమాను వచ్చే ఏడాది మార్చి 5న విడుదల చేస్తున్నారు.
ఈ సినిమాలో దేవిశ్రీ ప్రసాద్ గ్రామీణ యువకుడు ‘పర్షి’గా నటిస్తున్నారు. అతనికి జోడీగా అనంతిక సనిల్ కుమార్‌ (మ్యాడ్, 8 వసంతాలు) నటిస్తోంది. ఈ సినిమాలో రుక్మిణీ వసంత్, భాగ్యశ్రీ బోర్సే కీలకపాత్రలు చేస్తున్నట్లు సమాచారం.
ఈ సినిమాకు కధ, దర్శకత్వం: వేణు ఎల్దండి, సంగీతం: దేవిశ్రీ ప్రసాద్, సినిమాటోగ్రఫీ: మురళి చేస్తున్నారు.
శ్రీ వేంకటేశ్వర క్రియేషన్స్ బ్యానర్‌పై ప్రముఖ నిర్మాతలు దిల్ రాజు, అల్లు శిరీష్ కలిసి నిర్మిస్తున్న ‘యల్లమ్మ’ సినిమాను పాన్ ఇండియా మూవీగా నిర్మిస్తున్నారు.
Rockstar 🌟 @ThisIsDSP records the #Yellamma title song with 100 folk rhythm artists representing diverse cultures across India! 🔥🥁
FIRST SINGLE SOON ❤️🔥❤️🔥
In Cinemas #YellammaFromMarch5th 💥
@VenuYeldandi9 #DilRaju #Shirish @HR_3555 @muraligdop @Hr_3555 #HanshithaReddy @svc_official @Tseries @tseriessouth
