గుణశేఖర్ ఇఫోరియా… ట్రైలర్ చూశారా?
January 17, 2026
దక్షినాది అగ్ర దర్శకులలో ఒకరైన గుణశేఖర్ సినిమాలకు ప్రత్యేక అభిమానులు చాలా మందే ఉన్నారు. ఆయన ఎంచుకునే కధలు, వాటిని తెరపై ప్రెజంట్ చేసే విధానమే అందుకు కారణం.
గుణశేఖర్ దర్శకత్వంలో ‘ఇఫోరియా’ అనే యాక్షన్ సినిమా సిద్ధం చేస్తున్నారు. ఈ సినిమా ట్రైలర్ నేడు విడుదలైంది. ముందే చెప్పుకున్నట్లు ట్రైలర్ గుణశేఖర్ మార్క్ కధ ఉందని హింట్ ఇచ్చేశారు. ఐఏఎస్ అధికారిణి కావాలనుకున్న ఓ యువతీ జీవితం నేపధ్యంలో సమాజంలో జరుగుతున్న అసాంఘిక కార్యకలాపాలను ట్రైలర్లో చూపారు. వాటికి యాక్షన్ సన్నివేశాల హంగులద్దారు.
ఈ సినిమాతో హీరో విగ్నేశ్ గవిరెడ్డితో సహా మరో 20 మంది నూతన నటీనటులను పరిచయం చేస్తున్నారు. నాజర్, భూమిక చావ్లా, సారా అర్జున్ ముఖ్యపాత్రలు చేస్తున్నారు.
ఈ సినిమాకు కధ, స్క్రీన్ ప్లే, దర్శకత్వం: గుణ శేఖర్, సంగీతం: కాల భైరవ్, కెమెరా: ప్రవీణ్ కే పోతన్, డైలాగ్స్: నాగేంద్ర కాశీ, కృష్ణ హరి, ఆర్ట్:శ్రీనివాస్ కళింగ, ఎడిటింగ్: ప్రవీణ్ పూడి చేస్తున్నారు.
గుణా ప్రొడక్షన్ బ్యానర్పై నీలిమ గుణ, యుక్త గుణ నిర్మిస్తున్న ఈ సినిమా ఫిభ్రవరి 6న ప్రపంచవ్యాప్తంగా విడుదల కాబోతోంది.
