మన శంకర వరప్రసాద్ గారు... ట్రైలర్ రేపే తిరుపతిలో
January 03, 2026
అనిల్ రావిపూడి దర్శకత్వంలో మెగాస్టార్ చిరంజీవి, నయనతార జంటగా చేసిన ‘మన శంకర వరప్రసాద్ గారు’ ట్రైలర్ జనవరి 4న అని ప్రకటించేశారు. కానీ ఎప్పుడు ఎక్కడ? అనేది చెప్పలేదు. నేడు అది కూడా చెప్పేశారు. రేపు మధ్యాహ్నం 3 గంటల నుంచి తిరుపతి పట్టణంలో ఎస్వీ సినీ పరిశ్రమ ప్లెక్స్లో ట్రైలర్ లాంచింగ్ కార్యక్రమం జరుగుతుంది. ట్రైలర్ 2.30 నిమిషాల నిడివి ఉంటుంది.
ఈ సినిమాలో విక్టరీ వెంకటేష్ అతిధి పాత్రలో చేశారు. చిరంజీవి, వెంకటేష్ కలిసి చేసిన ‘మెగా విక్టరీ’ ఆట,పాట కూడా ఇటీవలే విడుదల చేశారు. ఈ సినిమాలో హర్షవర్ధన్, అభినవ్ గోమటం, సచిన్ కేడ్కర్ తదితరులు ముఖ్యపాత్రలు చేశారు.
ఈ సినిమాకు కధ, దర్శకత్వం: అనిల్ రావిపూడి, సంగీతం: భీమ్స్ సిసిరోలియో, కెమెరా: సమీర్ రెడ్డి, ఎడిటింగ్: తమ్మిరాజు చేశారు.
షైన్ స్క్రీన్స్, గోల్డ్ బాక్స్ ఎంటర్టైన్మెంట్స్ బ్యానర్లపై సాహు గారపాటి, సుష్మిత కొణిదెల నిర్మించారు. మన శంకర వరప్రసాద్ గారు పండగకి వస్తున్నారని అనిల్ రావిపూడి సినిమా మొదలుపెట్టిన రోజే చెప్పేశారు. చెప్పినట్లుగానే ఈ నెల 12న సంక్రాంతి పండుగకి రెండు రోజుల ముందు మన శంకర వరప్రసాద్ గారిని ప్రేక్షకుల ముందుకు తీసుకువస్తున్నారు.
