12ఏ రైల్వే కాలనీ... ట్రైలర్‌
November 12, 2025
అల్లరి నరేష్ ‘బచ్చలమల్లి’లో తన నటనతో మెప్పించినా సినిమా ఆశించిన స్థాయిలో ఆడలేదు. దాని తర్వాత నాని కాసరగడ్డ దర్శకత్వంలో ‘12ఏ రైల్వే కాలనీ’ అనే మరో సినిమా మొదలుపెట్టాడు. ఇది దెయ్యాలు, ఆత్మలు, మర్డర్స్ మిస్టరీ సినిమా అని మొదట చెప్పేశారు. టీజర్‌లో అదే చెప్పారు. ఇప్పుడు ట్రైలర్‌లో కూడా అదే చూపారు.
ఈ సినిమాలో డా. కామాక్షి భాస్కర్, సాయి కుమార్‌, వివా హర్ష, గెటప్ శ్రీను, సద్దాం, జీవన కుమార్‌, గగన్ విహారీ, అనిష్ కురువిళ్ళ, మధుమణి తదితరులు ముఖ్య పాత్రలు చేస్తున్నారు.
ఈ సినిమాకు కధ, డైలాగ్స్, స్క్రీన్ ప్లే: డా. అనిల్ విశ్వనాధ్, దర్శకత్వం, ఎడిటింగ్: నాని కాసరగడ్డ సంగీతం: భీమ్స్ సిసిరోలియో, కెమెరా: కుషెందర్ రమేష్ రెడ్డి, చేస్తున్నారు.
శ్రీనివాస సిల్వర్ స్క్రీన్ బ్యానర్‌పై శ్రీనివాస చిట్టూరి నిర్మించిన ఈ సినిమా ఈ నెల 21న ప్రపంచవ్యాప్తంగా విడుదల కాబోతోంది.
