పవన్‌ కళ్యాణ్‌ జపనీస్ భాషలో డైలాగ్స్… ఇరగదీశాడే
September 20, 2025
సుజీత్ దర్శకత్వంలో పవన్‌ కళ్యాణ్‌, ప్రియాంక మోహన్ జంటగా చేసిన ‘ఓజీ’ ఈ నెల 25న విడుదల కాబోతోంది. తొలిసారిగా పవన్‌ కళ్యాణ్‌ సినిమాని జపనీష్ భాషలో కూడా డబ్ చేసి విడుదల చేయబోతున్నారు.
సినిమా రిలీజ్ డేట్ దగ్గరపడుతుండటంతో ప్రమోషన్స్‌లో భాగంగా జపనీస్ భాషలో పవన్‌ కళ్యాణ్‌ చెప్పిన కొన్ని డైలాగ్స్ విడుదల చేశారు. డబ్బింగ్ థియేటర్లో పవన్‌ కళ్యాణ్‌ జపనీస్ భాషలో ఈ డైలాగ్స్ చెపుతున్నప్పుడు తీసిన ఈ వీడియో వైరల్ అవుతోంది.
“ఓమీ.... మై డియర్ ఓమీ... ఎగిరెగిరి పడుతున్నావ్. నీలాంటి వాడిని నెలకేలా దించాలో నాకు బాగా తెలుసు” అనే తెలుగు దైలాగులనే పవన్‌ కళ్యాణ్‌ జపనీస్ భాషలో చెప్పారు.
ఈ సినిమాలో బాలీవుడ్‌ నటుడు ఇమ్రాన్ హష్మీ విలన్‌గా నటిస్తున్నారు. శుభలేఖ సుధాకర్, ప్రకాష్ రాజ్, అజయ్ ఘోష్, అర్జున్ దాస్, శ్రీయ రెడ్డి, హరీష్ ఉత్తమన్, అభిమన్యు సింగ్‌ తదితరులు ముఖ్యపాత్రలు చేశారు.
ఈ సినిమాకి కధ, దర్శకత్వం: సుజీత్, సంగీతం: థమన్; కెమెరా: రవి కె చంద్రన్; ఎడిటింగ్: నవీన్ నూలి చేశారు.
డీవీవీ ఎంటర్‌టైన్‌మెంట్‌ బ్యానర్‌పై డీవీవీ దానయ్య సుమారు రూ.300 కోట్ల భారీ బడ్జెట్‌తో పాన్ ఇండియా మూవీగా దీనిని నిర్మించారు.
