ఇవిగో.. గన్స్ అండ్ రోసస్...
September 16, 2025
సుజీత్-పవన్‌ కళ్యాణ్‌ కాంబినేషన్‌లో వస్తున్న ‘ఓజీ’ నుంచి ‘గన్స్ అండ్ రోసస్’ అంటూ సాగే పవర్ ఫుల్ సాంగ్ విడుదలైంది. అద్వితీయ వ్రాసిన ఈ ర్యాప్ సాంగ్‌ని తమన్ స్వరపరచి సంగీతం అందించగా హర్ష డి పాడారు.
ఓజీలో పవన్‌ కళ్యాణ్‌కి జోడీగా ప్రియాంక మోహన్ నటించగా, బాలీవుడ్‌ నటుడు ఇమ్రాన్ హష్మీ విలన్‌గా నటించారు. ప్రకాష్ రాజ్, అజయ్ ఘోష్, అర్జున్ దాస్, శ్రీయ రెడ్డి, హరీష్ శంకర్‌ ఉత్తమన్, అభిమన్యు సింగ్‌, శుభలేఖ సుధాకర్ తదితరులు ముఖ్యపాత్రలు చేశారు.
ఈ సినిమాకి కధ, దర్శకత్వం: సుజీత్, సంగీతం: థమన్; కెమెరా: రవి కె చంద్రన్; ఎడిటింగ్: నవీన్ నూలి చేశారు.
డీవీవీ ఎంటర్‌టైన్‌మెంట్‌ బ్యానర్‌పై డీవీవీ దానయ్య సుమారు రూ.300 కోట్ల భారీ బడ్జెట్‌తో పాన్ ఇండియా మూవీగా నిర్మించిన ఓజీ సెప్టెంబర్‌ 25న విడుదల కాబోతోంది.
