ఒంటరి మహిళలకు పింఛన్లు వచ్చే నెల నుంచే
తెలంగాణలో పింఛన్ల కోసం ఒంటరి మహిళలు చాలా కాలంగా ఎదురుచూస్తున్నారు. వారికి మంత్రి సీతక్క శుభవార్త చెప్పారు. ఆగస్ట్ 15వ తేదీ నుంచి అర్హులైన మహిళలందరికీ పించన్లు అందిస్తామని తెలిపారు.
ప్రస్తుతం రాష్ట్రవ్యాప్తంగా ఈ పింఛన్లకు అర్హులను గుర్తించేందుకు క్షేత్రస్థాయిలో పరిశీలన జరుగుతోంది. మరణించిన వారు, అనర్హులుగా గుర్తించిన వారి పేర్లను తొలగించి, ఆ స్థానాల్లో కొత్తగా అర్హులైనవారి పేర్లు నమోదు చేస్తున్నారు. ఈ నెలాఖరులోగా జిల్లాల వారీగా అర్హుల జాబితాలను సిద్ధం చేస్తే మంత్రివర్గ సమావేశంలో దానికి ఆమోదముద్ర వేసి ఆగస్ట్ 15న సిఎం రేవంత్ రెడ్డి లాంచనంగా ఈ పధకాన్ని ప్రారంభించే అవకాశం ఉంది. రాష్ట్రంలో సుమారు మూడు లక్షల మందికి ఈ పించన్లు అందజేయాలని ప్రభుత్వం భావిస్తోంది. కనుక దీని కోసం దరఖాస్తు చేసుకుని ఎదురుచూస్తున్న మహిళలకు మంత్రి సీతక్క ప్రకటన చాలా ఊరటనిస్తుంది.
.png "త్వరలో ప్లాస్టిక్ కరెన్సీ నోట్లు!")
24.jpg "బీఆర్ఎస్ సంగ్రామ సభకు హైకోర్టు అనుమతి")
