ఆనారి ఈనారీ నడుమ మురారి సాంగ్!
January 10, 2026
రామ్ అబ్బరాజు దర్శకత్వంలో శర్వానంద్, సంయుక్త, సాక్షి వైద్య హీరో హీరోయిన్లుగా ‘నారి నారీ నడుమ మురారి’ సంక్రాంతి పండుగ రోజున విడుదల కాబోతోంది. సినిమా రిలీజ్ డేట్ దగ్గర పడుతుండటంతో నేడు ‘ఆ నారి... ఈ నారి నడుమ మురారీ...’ అంటూ సాగే వీడియో సాంగ్ విడుదల చేశారు. రామజోగయ్య శాస్త్రి వ్రాసిన ఈ పాటకి విశాల్ చంద్రశేఖర్ సంగీతం అందించగా అర్వింద్ అన్నెస్ట్ పాడారు.
ఈ సినిమాలో శ్రీవిష్ణు ఓ ముఖ్యపాత్ర చేశారు. ఈ ఫ్యామిలీ ఎంటర్టైనర్కి దర్శకత్వం: రామ్ అబ్బరాజు, సంగీతం: విశాల్ చంద్రశేఖర్, కెమెరా: జ్ఞాన శేఖర్, యువరాజ్ చేశారు.
ఏకే ఎంటర్టైన్మెంట్స్, అడ్వంచర్స్ ఇంటర్నేషనల్ బ్యానర్లపై అనిల్ సుంకర, రామబ్రహ్మం సుంకర కలిసి నిర్మించిన ఈ సినిమా ఈ నెల 14 సాయంత్రం విడుదల కాబోతోంది.
