టాక్సిక్ టీజర్ యాక్షన్ అదిరింది కానీ..
January 08, 2026
.png)
మలయాళ దర్శకురాలు గీతూ మోహన్ దాస్ దర్శకత్వంలో యష్, నయనతార ప్రధాన పాత్రలలో మార్చి 19న ‘టాక్సిక్’ (సబ్ టైటిల్: ఏ ఫెయిరీ టేల్ ఫర్ గ్రోనప్స్) ప్రపంచవ్యాప్తంగా విడుదల కాబోతోంది. సినిమా విడుదలకు ఇంకా చాలా సమయం ఉన్నప్పటికీ నేడు టీజర్ విడుదల చేశారు.
మొదట నయనతార, తారా సుతారియా, రుక్మిణీ వసంత్ల ఫస్ట్ లుక్ పోస్టర్లతో పరిచయం చేసి, టీజర్లో హీరో యష్ని పరిచయం చేశారు.
అయితే ఇది ‘ఏ ఫెయిరీ టేల్ ఫర్ గ్రోనప్స్’ అని సబ్ టైటిల్లోనే చెప్పేశారు కనుక శ్మశానం బయట కారులో హీరో సెక్స్ చేస్తున్న దృశ్యం కూడా కాస్త చూపించారు. ఆ తర్వాత హీరో యాక్షన్ సీన్ షరా మామూలే.
ఈ సినిమాలో కియరా అద్వానీ, హ్యూమా ఖురేషీ ప్రధాన పాత్రలలో నటిస్తున్నారు.
ఈ సినిమాకు కధ, దర్శకత్వం: గీతు మోహన్ దాస్, సంగీతం: రవి బస్రూర్, కెమెరా: రాజీవ్ రవి, స్టంట్స్: జేజే పెర్రీ (హాలీవుడ్), ఎడిటింగ్: ఉజ్వల్ కులకర్ణి చేస్తున్నారు.
కెవిఎన్ ప్రొడక్షన్స్, మాన్స్టర్ మైండ్ క్రియేషన్స్ బ్యానర్లపై వెంకట్ కే నారాయణతో కలిసి యష్ నిర్మిస్తున్నారు. ఈ సినిమాని కన్నడ, ఇంగ్లీష్ భాషల్లో ఒకేసారి నిర్మించి తెలుగు, తమిళ్, మలయాళ భాషల్లో డబ్ చేసి మార్చి 19న విడుదల చేయబోతున్నారు.
