భర్త మహాశయులకు రవితేజ విజ్ఞప్తి
November 11, 2025
కిషోర్‌ తిరుమల దర్శకత్వంలో మాస్ మహారాజ్ రవితేజ హీరోగా చేస్తున్న సినిమా టైటిల్‌ ‘భర్త మహాశయులకు విజ్ఞప్తి’ అని ఖరారు చేస్తూ టైటిల్‌ గ్లిమ్స్‌ రిలీజ్ చేశారు. టైటిల్‌, ఫస్ట్ గ్లిమ్స్‌తో దర్శకుడు ఈ సినిమా కధని క్లుప్తంగా చెప్పేశారు. \
ఈ సినిమాలో ఆషికా రంగనాథ్, డింపుల్ హయతీ ఇద్దరు హీరోయిన్లున్నారు. ఆ ఇద్దరు ఆడాళ్ళతో మన హీరోకి ఎదురయ్యే సమస్యలే ఈ సినిమా కధ.
ఎప్పుడూ మాస్ మసాలా కమర్షియల్ సినిమాలు చేస్తూ ఎదురుదెబ్బలు తింటున్న రవితేజ, మంచి కామెడీకి అవకాశం ఉన్న ఇలాంటి కధతో సినిమా చేస్తున్నారు. పైగా కిషోర్‌ తిరుమల ఈ సినిమాకి దర్శకుడు. టైటిల్‌ గ్లిమ్స్‌ కూడా అందరినీ అలరించింది. కనుక ఈ సినిమాతో రవితేజ తప్పక హిట్ కొడతారని ఆశించవచ్చు.
ఈ సినిమాలో వెన్నెల ప్రశాంత్ కిషోర్‌, సునీల్, సత్య, శుభలేక సుధాకర్, మురళీధర్ తదితరులు ముఖ్యపాత్రలు చేస్తున్నారు.
ఈ సినిమాకి కధ, దర్శకత్వం: కిషోర్‌ తిరుమల,సంగీతం: భీమ్స్ సిసిరోలియో, కెమెరా: ప్రసాద్ మూరెళ్ళ, ఎడిటింగ్: ఏ శ్రీకర్ ప్రసాద్, ఆర్ట్: ఈ సందర్భంగా ప్రకాష్ చేస్తున్నారు.
ఎస్ఎల్‌వీ బ్యానర్‌పై సుధాకర్ చెరుకూరి ఈ సినిమా నిర్మిస్తున్నారు. వచ్చే ఏడాది జనవరిలో సంక్రాంతి పండగకు భర్త మహాశయులకు విజ్ఞప్తి చేసేందుకు వస్తున్నామని టైటిల్‌ గ్లిమ్స్‌లో తెలియజేశారు.
