మన శంకర వరప్రసాద్ గారు... నయనతార ఫస్ట్ లుక్
October 01, 2025
అనిల్ రావిపూడి దర్శకత్వంలో మెగాస్టార్ చిరంజీవి, , నయనతార జంటగా ‘మన శంకర వరప్రసాద్ గారు’ సినిమా చేస్తున్న సంగతి తెలిసిందే. రేపు (అక్టోబర్ 2) దసరా పండుగ సందర్భంగా ఒక రోజు ముందుగానే నేడు ఈ సినిమా నుంచి నయనతార ఫస్ట్ లుక్ పోస్టర్‌ విడుదల చేశారు. పసుపు రంగు చీర కట్టుకొని చేతిలో గొడుగు పట్టుకొని కూర్చున్న నయనతార ఫోటో చాలా ఇంపుగా ఉంది. ఈ సినిమాలో ఆమె పాత్ర పేరు శశిరేఖ. .
ఈ సినిమాలో చిరంజీవికి రెండో హీరోయిన్‌గా క్యాథరిన్‌ పేరు ఖరారు చేసినట్లు తెలుస్తోంది. ‘మన శంకర వరప్రసాద్ గారు’ సినిమాలో హర్షవర్ధన్, అభినవ్ గోమటం, సచిన్ కేడ్కర్‌ తదితరులు ముఖ్య పాత్రలు చేస్తున్నారు. ఈ సినిమాలో విక్టరీ వెంకటేష్‌ అతిధి పాత్రలో నటించబోతున్నట్లు తెలుస్తోంది.
ఈ సినిమాకు కధ, దర్శకత్వం: అనిల్ రావిపూడి, సంగీతం: భీమ్స్ సిసిరోలియో, కెమెరా: సమీర్ రెడ్డి, ఎడిటింగ్: తమ్మిరాజు చేస్తున్నారు.
షైన్ స్క్రీన్స్, గోల్డ్ బాక్స్ ఎంటర్‌టైన్‌మెంట్స్‌ బ్యానర్లపై సాహు గారపాటి, సుష్మిత కొణిదెల నిర్మిస్తున్న ఈ సినిమాని 2026 సంక్రాంతి పండుగకి విడుదల కాబోతోంది.
