పెద్ది తల్లిగా విజి చంద్రశేఖర్?
September 16, 2025
బుచ్చిబాబు సనా దర్శకత్వంలో రామ్ చరణ్‌, జాన్వీ కపూర్‌ జంటగా చేస్తున్న ‘పెద్ది’ సినిమాకు సంబంధించిమరో అప్‌డేట్ వచ్చింది.
ఈ సినిమాలో రామ్ చరణ్‌ తల్లిగా ప్రముఖ తమిళ్, కన్నడ నటి విజ్జి చంద్రశేఖర్ పేరు దాదాపు ఖారారు చేసినట్లు తెలుస్తోంది. త్వరలోనే అధికారిక ప్రకటన వెలువడనుంది. విజ్జి చంద్రశేఖర్ మరెవరో కాదు... ఒకప్పుడు మరో చరిత్ర, ఇది కధ కాదు, గుప్పెడు మనసు, కోకిల వంటి సూపర్ హిట్ సినిమాలతో తెలుగు ప్రేక్షకులను ఉర్రూతలూగించిన ప్రముఖ నటి సరిత సోదరే.
పెద్ది షూటింగ్ 50 శాతం పూర్తయిందని ముందుగా ప్రకటించినట్లుగానే 2026, మార్చి 27న సినిమా విడుదలవుతుందని సంగీత దర్శకుడు రత్నవేలు చెప్పారు.
ఈ సినిమాలో రామ్ చరణ్‌ గ్రామీణ క్రీడాకారుడుగా నటిస్తుంటే, ఆయనకు కోచ్‌ గౌరు నాయుడుగా కన్నడ నటుడు శివరాజ్ కుమార్ నటిస్తున్నారు. ఈ సినిమాలో జగపతి బాబు, శివ రాజ్ కుమార్, దివ్యేంద్రు తదితరులు ముఖ్య పాత్రలు చేస్తున్నారు.
ఈ సినిమాకి సంగీతం: ఏఆర్ రహమాన్, కెమెరా: రత్నవేలు, ఎడిటింగ్: నవీన్ నూలి అందిస్తున్నారు.
వృద్ధి సినిమాస్, సుకుమార్ రైటింగ్స్, మైత్రీ మూవీ మేకర్స్ బ్యానర్లపై వెంకట సతీష్ కిలారు ఈ సినిమాని పాన్ ఇండియా మూవీగా 5 భాషల్లో నిర్మిస్తున్నారు.
