రామ్ చరణ్, కియారా నానా హైరానా పడ్డారుగా
November 28, 2024
గేమ్ చేంజర్‌ సినిమా నుండి ‘నానా హైరానా..’ అంటూ సాగే మూడో లిరికల్ సాంగ్ బుధవారం సాయంత్రం విడుదలైంది. రామజోగయ్య శాస్త్రి వ్రాసిన ఈ పాటని తమన్ స్వరపరిచగా కార్తీక, శ్రేయా ఘోషల్ మృధుమధురంగా పాడారు. గేమ్ చేంజర్‌లో రామ్ చరణ్, కియరా అద్వానీ జంటగా చేయగా కోలీవుడ్‌ నటుడు ఎస్‌జె.సూర్య, శ్రీకాంత్, నవీన్ చంద్ర, సునీల్, జయరాం, అంజలి తదితరులు ముఖ్యపాత్రలు చేశారు.
ఈ సినిమాకు స్టోరీ లైన్: కార్తీక్ సుబ్బరాజు, కధ: ఎస్.యు వెంకటేశన్, ఫర్హాద్ సంజీ, వివేక్, డైలాగ్స్: సాయి మాధవ్ బుర్ర, దర్శకత్వం: శంకర్, సంగీతం: థమన్, కెమెరా: ఎస్.తిరునవుక్కరసు, పాటలు: రామజోగయ్య శాస్త్రి, అనంత్ శ్రీరామ్, కాసర్ల శ్యామ్, యాక్షన్: ఆన్భైరవ్, కొరియోగ్రఫీ: ప్రభుదేవా, ప్రేమ్ రక్షిత్, గణేశ్ ఆచార్య, బోస్కో మార్షియా, జానీ, శాండీ, ఆర్ట్: అవినాష్ కొల్ల చేస్తున్నారు.
నిర్మాతలు దిల్‌రాజు, శిరీశ్ కలిసి శ్రీ వేంకటేశ్వర క్రియెషన్స్ బ్యానర్‌పై నిర్మిస్తున్నారు. ఈ సినిమా జనవరి 10వ తేదీన విడుదల కాబోతోంది.
