రాజాసాబ్ కొత్త షెడ్యూల్ షూటింగ్‌ షురూ
April 17, 2024
ప్రభాస్‌-మారుతి కాంబినేషన్‌లో సిద్దమవుతున్న రాజాసాబ్ సినిమాకి సంబందించి ఎటువంటి అప్‌డేట్స్ ఇవ్వకుండా దర్శకుడు మారుతి అభిమానుల సహనాన్ని పరీక్షిస్తున్నారనే చెప్పాలి. ఈ ఏడాది సంక్రాంతి పండుగ తర్వాత రాజసాబ్ హడావుడి మొదలవుతుందని మారుతి చెప్పారు. ఓ పోస్టర్ విడుదల చేశారు తప్ప ఆ తర్వాత మరేది రాలేదు. .
ఇప్పుడు రాజాసాబ్ కొత్త షెడ్యూల్ హైదరాబాద్‌లో మొదలైంది. ఈ సినిమాలో హీరోయిన్‌గా నటిస్తున్న నిధి అగర్వాల్ షూటింగ్‌లో పాల్గొంటోంది. ఈ షెడ్యూల్లో నిధి-ప్రభాస్‌లపై కొన్ని సన్నివేశాలు, ఒక పాటని చిత్రీకరించబోతున్నారు. కనుక ప్రభాస్‌ కూడా సెట్స్‌లో అడుగుపెట్టబోతున్నారు.
ఈ సినిమాలో మాళవిక మోహనన్ మరో హీరోయిన్‌గా నటిస్తోంది. ఫస్ట్-లుక్ పోస్టర్‌లో సినిమా సంగీత దర్శకుడు: ఎస్ఎస్ తమన్, కెమెరా: కార్తీక్ పళని, ఆర్ట్ డైరెక్టర్: రాజీవన్, ఎడిటింగ్: కోటగిరి వేంకటేశ్వర రావు అని చెప్పేశారు.
ప్రభాస్‌ సినిమా ఏదైనా ఇప్పుడు పాన్ ఇండియా మూవీగానే నిర్మించడం కామన్ అయిపోయింది కనుక ఈ సినిమాని కూడా తెలుగు, తమిళ్, కన్నడ, మలయాళం, హిందీ భాషల్లో నిర్మిస్తున్నారు.
పీపుల్ మీడియా ఫ్యాక్టరీ బ్యానర్‌పై టీజీ విశ్వప్రసాద్ నిర్మిస్తున్న రాజాసాబ్ వచ్చే ఏడాది సంక్రాంతి పనుదకు విడుదలయ్యే అవకాశం ఉంది.
.png "దుబాయ్‌లో అల్లు అర్జున్‌ విగ్రహం... పక్కనే అల్లు అర్జున్‌ ఫోటో!")
