లారెన్స్ రాఘవ ఒకేసారి రెండు కొత్త సినిమాలు!
April 14, 2024
రాఘవ లారెన్స్ తమిళ నటుడే అయినప్పటికీ తెలుగులో అనేక సినిమాలు చేసినందున తెలుగు ప్రేక్షకులకు చిర పరిచితుడే. ఇప్పుడు ఆయన కోలీవుడ్‌ దర్శకుడు బక్య రాజ్‌ కన్నన్ దర్శకత్వంలో ఓ కొత్త సినిమా చేయబోతున్నాడు. ఆ సినిమా పేరు ‘బెంజ్’ అని ప్రకటిస్తూ పోస్టర్ విడుదల చేశారు. మరో విశేషమేమిటంటే, ఈ సినిమాకు కోలీవుడ్‌ స్టార్ దర్శకుడు లోకేశ్ కనగరాజ్‌ కధ అందిస్తున్నారు.
రాఘవ లారెన్స్ మరో సినిమా’హంటర్’ కూడా ప్రకటించాడు. తమిళంలో కత్తి (తెలుగులో చిరంజీవి నటించిన ఖైదీ 150) సినిమాకు దర్శకత్వం వహించిన వెంకట్ మోహన్ ఈ సినిమాకు దర్శకుడు. దేవిశ్రీ ప్రసాద్ ఈ సినిమాకు సంగీతం అందించబోతున్నారు. ఒకేసారి రెండు సినిమాలు ప్రకటించడంతో రాఘవ లారెన్స్ అభిమానులు చాలా సంతోషపడుతున్నారు. త్వరలోనే ఈ రెండు సినిమాలకు సంబందించి పూర్తి వివరాలు వెలువడనున్నాయి.
.png "దుబాయ్‌లో అల్లు అర్జున్‌ విగ్రహం... పక్కనే అల్లు అర్జున్‌ ఫోటో!")
