పంచాయితీ ఎన్నికలపై అప్పుడే పిటిషన్లు షురూ!
17.jpg "పంచాయితీ ఎన్నికలపై అప్పుడే పిటిషన్లు షురూ!")
అనేక అవాంతరాల తర్వాత ఎట్టకేలకు తెలంగాణలో వచ్చే నెల పంచాయితీ ఎన్నికలు జరుగబోతున్నాయి. ఇప్పటికే నామినేషన్స్ స్వీకరణ ప్రక్రియ మొదలైంది. కనుక ఈ ఎన్నికలకు ఇక ఎటువంటి ఆటంకాలు ఉండవనుకుంటే, అప్పుడే అభ్యంతరాలు వ్యక్తం చేస్తూ హైకోర్టులో పిటిషన్లు పడ్డాయి.
ఈ ఎన్నికలలో రిజర్వేషన్స్ కోసం రాష్ట్ర ప్రభుత్వం జారీ చేసిన జీవో 46పై అభ్యంతరాలు వ్యక్తం చేస్తూ స్టే విధించాలని కోరుతూ వెనుక బడిన కుల సంఘాలు హైకోర్టులో పిటిషన్లు వేశాయి. వాటిపై నేడు విచారణ జరిపిన హైకోర్టు ‘ఈ దశలో స్టే విధించడం కుదరదని స్పష్టం చేసింది.
బీసీల్లో ఏబీసీడీ వర్గాల ఆధారంగా రిజర్వేషన్స్ కేటాయించాలనే వాదనలపై 8 వారాల తర్వాత విచారణ చేపడతామని, కానీ పంచాయితీ ఎన్నికలు వాయిదా వేయడం కుదరదని స్పష్టం చేసింది.
కనుక పంచాయితీ ఎన్నికలకు పూర్తిగా లైన్ క్లియర్ అయినట్లే భావించవచ్చు. ఈ ఎన్నికలు పార్టీలతో సంబంధం లేకుండా జరుగుతాయి. కానీ రాజకీయ పార్టీలు సూచించిన, ఎంపిక చేసినవారే ఈ ఎన్నికలలో పోటీ చేస్తుంటారు. కనుక ఈ ఎన్నికలు పరోక్షంగా పార్టీల బలాబలాలు ఆధారంగానే సాగుతాయి. కనుక కాంగ్రెస్‌ బలపరిచిన అభ్యర్ధులలో బీసీలు 42 శాతం ఉండే అవకాశం ఉంటుంది.
