నెట్‌ఫ్లిక్స్‌లో మాస్ జాతర షురూ...
November 30, 2025
మాస్ మహరాజ్ రవితేజ, డాన్సింగ్ క్వీన్ శ్రీలీల జంటగా చేసిన ‘మాస్ జాతర’ నవంబర్‌ 1న విడుదలయ్యింది. కానీ ఇది మాస్ జాతర అని ముందే చెప్పేశారు. కానీ రవితేజ పంచ్ డైలాగులు, ఫైట్లు, రోమాన్స్, డాన్సులతో సినిమా నింపేసినా జనానికి నచ్చలేదు.
కనుక నెల రోజులైనా గడవక ముందే మూటా ముల్లె సర్దుకొని థియేటర్ల నుంచి బయటపడక తప్పలేదు. తర్వాత ఓటీటీలోకే రావాలి. కనుక ఈ నెల 28నుంచి నెట్‌ఫ్లిక్స్‌లో మాస్ జాతర మొదలైంది. ప్రస్తుతం నెట్‌ఫ్లిక్స్‌లో మాస్ జాతర జరుగుతోంది కనుక ఓటీటీ ప్రేక్షకులు కూడా చూసి ఆనందించవచ్చు.
మంచి సినీ రచయితగా పేరు పొందిన భాను భోగవరపు దర్శకుడుగా మారి, మాస్ మహారాజ్ రవితేజవంటి టాప్ హీరోతో చేసిన ఈ ప్రయోగం విఫలం కాగా, కొత్త దర్శకుడు సాయిలు పెద్దగా పరిచయం లేని నటీనటులని పెట్టి ‘రాజు వెడ్స్ రాంబాయి’ తీసి మొదటి సినిమాతోనే సూపర్ హిట్ కొట్టారు. దీనిని ఏమనుకోవాలి? ఏవిదంగా చూడాలి?
