కొండగట్టులో భారీ అగ్నిప్రమాదం
November 30, 2025
జగిత్యాల జిల్లా కొండగట్టులో శనివారం అర్ధరాత్రి భారీ అగ్నిప్రమాదం జరిగింది. కొండగట్టు జాతరకు రాష్ట్రం నలుమూలల నుంచి భారీ సంఖ్యలో భక్తులు తరలివస్తున్నారు. కనుక అక్కడ 30 స్టాల్స్ ఏర్పాటు చేశారు. వాటిలో చిన్న చిన్న వ్యాపారాలు చేసుకునేవారు రకరకాల వస్తువులను పెట్టి అమ్ముకుంటున్నారు.
శనివారం అర్దరాత్రి ఓ స్టాలలో షార్ట్ సర్క్యూట్ అవడంతో మంటలు మొదలై క్షణాలలో పక్క పక్కనే దుకాణాలకు వ్యాపించాయి. అందరూ చూస్తుండగానే 30 దుకాణాలు, వాటిలో వస్తువులు అన్నీ మంటలలో కాలి మసైపోయాయి. అది చూసి ఆ వ్యాపారులు, వారి కుటుంబాలు కన్నీరు మున్నీరుగా విలపించాయి. అగ్నిమాపక శాఖ సిబ్బంది వచ్చి మంటలు ఆర్పేశారు. ఈ అగ్ని ప్రమాదంలో ప్రాణ నష్టం జరుగలేదు కానీ చిన్న వ్యాపారులు సర్వస్వం కోల్పోయారు.
