స్మృతి, పలాష్: ఒక్క ఫోటోతోనే జవాబు
భారత మహిళా క్రికెటర్ స్మ్రుతి మంధాన, బాలీవుడ్‌ సంగీత దర్శకుడు పలాష్ ముచ్చల్ వివాహం ఇటీవల జరుగవలసి ఉంది. కానీ పెళ్ళికి రెండు మూడు గంటల ముందు ఆమె తండ్రికి గుండెపోటు రావడంతో వివాహం వాయిదా పడింది.
ఈ విషయం వారిరువురూ సోషల్ మీడియాలో చాలా స్పష్టంగా తెలియజేశారు కూడా. త్వరలోనే మరో ముహూర్తం పెట్టుకొని పెళ్ళి చేసుకుంటామని తెలిపారు.
అయినప్పటికీ సోషల్ మీడియాలో కొందరు వారిరువురికి మనస్పర్ధలు ఏర్పడటం పెళ్ళి ఆగిపోయిందని పుకార్లు పుట్టించారు. ఆ కోపంతో అతను స్మ్రుతిని విమర్శిస్తూ సోషల్ మీడియాలో కామెంట్స్ పెట్టాడంటూ నకిలీ పోస్టులు కూడా పెట్టారు.
నానాటికీ ఈ పుకార్లు పెరిగిపోతున్నాయే తప్ప తగ్గడం లేదు. ఇది తమ ఇద్దరి వ్యక్తిగత, వృత్తి పరమైన జీవితాలలో ఊహించని కొత్త సమస్యలు తెచ్చి పెడతాయని భావించిన స్మ్రుతి మంధాన, పలాష్ ముచ్చల్ తమ ఇన్‌స్టాగ్రామ్‌లో తమ ఇద్దరి ఫోటో పెట్టారు.
దాని కిందనే దిష్టి బొమ్మ ఇమోజీ కూడా పెట్టారు. తద్వారా తాము కలిసే ఉన్నామని, ఎవరి దిష్టి తమకు తగల కూడదని చెప్పినట్లయింది.
అదృష్టవశాత్తు స్మ్రుతి మంధాన తండ్రి హాస్పిటల్లో చాలా త్వరగానే కోలుకున్నారు. కనుక మరో మంచి ముహూర్తం పెట్టుకొని త్వరలోనే వారి పెళ్ళి జరిపించేందుకు ఏర్పాట్లు చేస్తున్నారు. పలాష్ ముచ్చల్ తల్లి అమిత కూడా ధృవీకరించారు. కాబోయే కోడలు స్మ్రుతి కోసం తామందరం ఆత్రుతగా ఎదురుచూస్తున్నామని చెప్పారు.
